ಭವಿಷ್ಯ ನಿಧಿ ಬಡ್ಡಿ ಕಡಿತಯತ್ನ: ’ಐಟಕ್‌‘ ವಿರೋಧ

‘ಇಪಿಎಫ್‌ಒ’ದ ಹೂಡಿಕೆಗೆ ಕಡಿಮೆ ವರಮಾನ ಬಂದಿರುವುದರಿಂದ ಬಡ್ಡಿ ದರ ಕಡಿತಗೊಳಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸುತ್ತಿದೆ ಎಂದು ಕೆಲ ಮಾಧ್ಯಮಗಳಲ್ಲಿ ವರದಿ ಆಗಿರುವ ಹಿನ್ನೆಲೆಯಲ್ಲಿ ’ಐಟಕ್‌’ ಈ ಪ್ರತಿಕ್ರಿಯೆ ನೀಡಿದೆ.

ಕೋವಿಡ್‌ ಪಿಡುಗಿನ ಕಾರಣಕ್ಕೆ ಕಾರ್ಮಿಕರು ಮತ್ತು ಉದ್ಯೋಗಿಗಳು ಈಗಾಗಲೇ ಹಣಕಾಸಿನ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಉದ್ಯೋಗ ನಷ್ಟ ಮತ್ತು ವೇತನ ಕಡಿತ ಸಮಸ್ಯೆಯನ್ನೂ ಎದುರಿಸುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಪಿಎಫ್‌ ಬಡ್ಡಿ ಕಡಿತಗೊಳಿಸುವ ಚಿಂತನೆ ಸರಿಯಲ್ಲ ಎಂದು ಹೇಳಿದೆ.

2018–19ನೇ ಸಾಲಿನ ಶೇ 8.65 ಬಡ್ಡಿಗೆ ಹೋಲಿಸಿದರೆ 2019–20ನೇ ಸಾಲಿಗೆ ಈಗಾಗಲೇ ಬಡ್ಡಿ ದರವನ್ನು ಶೇ 8.50ಕ್ಕೆ ಇಳಿಸಲಾಗಿದೆ. ಹಣಕಾಸು ಸಚಿವಾಲಯವು ಈ ಬಡ್ಡಿ ದರಕ್ಕೆ ಇನ್ನೂ ತನ್ನ ಅನುಮೋದನೆ ನೀಡಬೇಕಾಗಿದೆ. ಇಪಿಎಫ್‌ನ ಉನ್ನತ ಮಂಡಳಿಯಾಗಿರುವ ಕೇಂದ್ರೀಯ ಟ್ರಸ್ಟ್‌ ಅನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳದೆ ಬಡ್ಡಿ ದರ ಕಡಿತಗೊಳಿಸುವ ಚಿಂತನೆಯು ಶಾಸನದ್ಧ ಟ್ರಸ್ಟ್‌ಗೆ ಅಗೌರವ ಸೂಚಿಸಿದಂತೆ ಎಂದು ಅಭಿಪ್ರಾಯಪಟ್ಟಿದೆ.