ಬ್ಯಾಂಕ್‌ ಸಾಲ ನೀಡಿಕೆ, ಠೇವಣಿ ಸಂಗ್ರಹ ಹೆಚ್ಚಳ

ಸಾಲ ನೀಡಿಕೆ ಶೇ 5.51ರಷ್ಟು ಹೆಚ್ಚಾಗಿದ್ದು, ₹ 102.65 ಲಕ್ಷ ಕೋಟಿಗೆ ತಲುಪಿದೆ. ಠೇವಣಿ ಸಂಗ್ರಹವು ಶೇ 11.11ರಷ್ಟು ಹೆಚ್ಚಾಗಿ ₹ 141.61 ಲಕ್ಷ ಕೊಟಿಗೆ ಏರಿಕೆಯಾಗಿದೆ.

2019ರ ಆಗಸ್ಟ್‌ 2ರ ಅಂತ್ಯಕ್ಕೆ ಸಾಲ ನೀಡಿಕೆಯು ₹ 97.29 ಲಕ್ಷ ಕೋಟಿ ಮತ್ತು ಠೇವಣಿ ಸಂಗ್ರಹವು ₹ 127.44 ಲಕ್ಷ ಕೋಟಿಗಳಷ್ಟಿತ್ತು.

ಕೃಷಿ ಮತ್ತು ಅದಕ್ಕೆ ಸಂಬಂಧಿಸಿದ ಚಟುವಟಿಕೆಗಳಿಗೆ ಸಾಲ ನೀಡಿಕೆಯು 2019ರ ಜೂನ್‌ನಲ್ಲಿದ್ದ ಶೇ 8.7ರಕ್ಕೆ ಹೋಲಿಸಿದರೆ, 2020ರ ಜೂನ್‌ನಲ್ಲಿ ಶೇ 2.4ರಷ್ಟು ಅಲ್ಪ ಬೆಳವಣಿಗೆ ಕಂಡಿದೆ.

ಕೈಗಾರಿಕೆಗಳಿಗೆ ನೀಡಿರುವ ಸಾಲದ ಪ್ರಮಾಣ ಶೇ 2.2ರಷ್ಟಾಗಿದೆ. ಇದು 2019ರ ಜೂನ್‌ನಲ್ಲಿ ಶೇ 6.4ರಷ್ಟಿತ್ತು.

ವೈಯಕ್ತಿಕ ಸಾಲ ನೀಡಿಕೆಯು ಶೇ 10.5ರಷ್ಟು ಬೆಳವಣಿಗೆ ಸಾಧಿಸಿದೆ. 2019ರ ಜೂನ್‌ನಲ್ಲಿ ಶೇ 16.6ರಷ್ಟಿತ್ತು.