ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಡೇಟಾ: ಕನಿಷ್ಠ ಶುಲ್ಕ ನಿಗದಿಗೆ ಆಗ್ರಹ

Last Updated 26 ಅಕ್ಟೋಬರ್ 2020, 18:51 IST
ಅಕ್ಷರ ಗಾತ್ರ

ನವದೆಹಲಿ: ಡೇಟಾ ಸೇವೆಗಳಿಗೆ ಕನಿಷ್ಠ ದರ ನಿಗದಿ ಮಾಡುವ ಪ್ರಕ್ರಿಯೆಗೆ ವೇಗ ನೀಡಬೇಕು ಎಂದು ದೂರಸಂಪರ್ಕ ಕಂಪನಿಗಳು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರವನ್ನು (ಟ್ರಾಯ್‌) ಒತ್ತಾಯಿಸಿವೆ.

ಟ್ರಾಯ್‌ನ ಹೊಸ ಅಧ್ಯಕ್ಷ ಪಿ.ಡಿ. ವಘೇಲಾ ಜೊತೆ ನಡೆದ ಸಭೆಯಲ್ಲಿ ಕಂಪನಿಗಳು ಈ ಒತ್ತಾಯ ಮಾಡಿವೆ ಎಂದು ಮೂಲಗಳು ತಿಳಿಸಿವೆ. ಡೇಟಾ ಸೇವೆಗಳ ಕನಿಷ್ಠ ಶುಲ್ಕವು ಟ್ರಾಯ್‌ ಮೂಲಕವೇ ನಿಗದಿ ಆಗಬೇಕು ಎಂಬುದು ದೂರಸಂಪರ್ಕ ಉದ್ಯಮದ ಆಗ್ರಹ. ಈ ವಿಚಾರವಾಗಿ ಸಮಾಲೋಚನೆಯ ಪ್ರಕ್ರಿಯೆಯನ್ನು ಬೇಗನೆ ನಡೆಸಬೇಕು, ನಿಯಮಗಳನ್ನು ಜಾರಿಗೆ ತರಬೇಕು ಎಂದು ಅವು ಮನವಿ ಮಾಡಿವೆ.

ವಘೇಲಾ ಜೊತೆ ಈ ಮಾತುಕತೆ ನಡೆದಿರುವುದನ್ನು ದೂರಸಂಪರ್ಕ ಕಂಪನಿಗಳ ಒಕ್ಕೂಟವಾದ ‘ಸಿಒಎಐ’ ಮಹಾನಿರ್ದೇಶಕ ಎಸ್‌.ಪಿ. ಕೊಚ್ಚರ್ ಖಚಿತಪಡಿಸಿದ್ದಾರೆ. ಒಂದು ತಿಂಗಳಿಗೆ ₹ 160 ಪಾವತಿಸಿ 16 ಜಿ.ಬಿ. ಡೇಟಾ ಪಡೆಯುತ್ತಿರುವುದು ದುರಂತವೇ ಸರಿ ಎಂದು ಭಾರ್ತಿ ಏರ್‌ಟೆಲ್‌ ಕಂಪನಿಯ ಅಧ್ಯಕ್ಷ ಸುನಿಲ್‌ ಭಾರ್ತಿ ಮಿತ್ತಲ್ ಕೆಲವು ತಿಂಗಳುಗಳ ಹಿಂದೆ ಹೇಳಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT