ನವದೆಹಲಿ: ಮೂರು ತಿಂಗಳವರೆಗೆ ಮಾರಾಟಕ್ಕೆ ಆದ್ಯತೆ ನೀಡಿದ್ದ ವಿದೇಶಿ ಹೂಡಿಕೆದಾರರು (ಎಫ್ಪಿಐ), ಜೂನ್ನಲ್ಲಿ ಷೇರುಪೇಟೆಯಲ್ಲಿ ₹ 21,235 ಕೋಟಿ ಮೊತ್ತದ ಬಂಡವಾಳ ತೊಡಗಿಸಿದ್ದಾರೆ.
ಲಾಕ್ಡೌನ್ ತೆರವಾಗುತ್ತಿದ್ದಂತೆ ದೇಶಿ ಆರ್ಥಿಕತೆಯು ನಿಧಾನವಾಗಿ ಚೇತರಿಕೆ ಹಾದಿಗೆ ಮರಳುತ್ತಿದೆ. ನಗದು ಲಭ್ಯತೆ ಹೆಚ್ಚುತ್ತಿದೆ. ಈ ಕಾರಣಗಳಿಗೆ ’ಎಫ್ಪಿಐ’ಗಳ ಹೂಡಿಕೆ ಹೆಚ್ಚಿದೆ. ಜೂನ್ 1 ರಿಂದ ಜೂನ್ 26ರ ಮಧ್ಯೆ ಒಟ್ಟಾರೆ ₹ 22,893 ಕೋಟಿ ಹೂಡಿಕೆಯಾಗಿದೆ. ₹ 1,658 ಕೋಟಿ ವಾಪಸ್ ಪಡೆಯಲಾಗಿದೆ.
ವಿದೇಶಿ ಹೂಡಿಕೆದಾರರು ಮಾರ್ಚ್ನಲ್ಲಿ ₹ 1.1 ಲಕ್ಷ ಕೋಟಿ, ಏಪ್ರಿಲ್ನಲ್ಲಿ ₹ 15,403 ಕೋಟಿ ಮತ್ತು ಮೇನಲ್ಲಿ ₹ 7,366 ಕೋಟಿ ವಾಪಸ್ ಪಡೆದಿದ್ದರು.
‘ಎಫ್ಪಿಐ‘ಗಳು ಇತ್ತೀಚೆಗೆ ಸ್ಮಾಲ್ ಮತ್ತು ಮಿಡ್ಕ್ಯಾಪ್ ಷೇರುಗಳಲ್ಲಿ ಹೆಚ್ಚು ಹಣ ತೊಡಗಿಸುತ್ತಿವೆ’ ಎಂದು ಮಾರುಕಟ್ಟೆ ಪರಿಣತರು ಹೇಳಿದ್ದಾರೆ.