ಸ್ಥಗಿತಗೊಂಡ ಆರು ಮ್ಯೂಚುವಲ್ ಫಂಡ್ಗಳಲ್ಲಿ ಒಟ್ಟು ₹ 25 ಸಾವಿರ ಕೋಟಿ ಹಣ ಇತ್ತು. ಈ ವರ್ಷದ ಏಪ್ರಿಲ್ 30ರವರೆಗೆ ಹೂಡಿಕೆದಾರರಿಗೆ ಒಟ್ಟು ₹ 14,572 ಕೋಟಿ ಹಿಂದಿರುಗಿಸಲಾಗಿದೆ. ಜೂನ್ 4ರ ವೇಳೆಗೆ ಹಿಂದಿರುಗಿಸಲು ಒಟ್ಟು ₹ 3,205 ಕೋಟಿ ಲಭ್ಯವಿತ್ತು. ಈ ಹಣವನ್ನು ಹೂಡಿಕೆದಾರರಿಗೆ ಹಿಂದಿರುಗಿಸಿದ ನಂತರದಲ್ಲಿ, ಒಟ್ಟು ₹ 17,778 ಕೋಟಿಯನ್ನು ಮರಳಿಸಿದಂತೆ ಆಗುತ್ತದೆ. 2020ರ ಏಪ್ರಿಲ್ 30ಕ್ಕೆ ಇದ್ದ ಹಣದ ಮೊತ್ತಕ್ಕೆ ಹೋಲಿಸಿದರೆ, ಶೇಕಡ 71ರಷ್ಟು ಹಣವನ್ನು ಹೂಡಿಕೆದಾರರಿಗೆ ವಾಪಸ್ ಕೊಟ್ಟಂತೆ ಆಗುತ್ತದೆ ಎಂದು ಕಂಪನಿ ಹೇಳಿದೆ.
