ಬೆಂಗಳೂರು: ಇತ್ತೀಚೆಗೆ ಮುಕ್ತಾಯಗೊಂಡ ಬೆಂಗಳೂರು ಗೋಲ್ಡ್ ಶಾಪಿಂಗ್ ಫೆಸ್ಟಿವಲ್ನ ಅದೃಷ್ಟಶಾಲಿ ವಿಜೇತರಾದ ಜೋಯಾಲುಕ್ಕಾಸ್ನ ಗ್ರಾಹಕ ಹರಿಹರಸುದನ್ ಅವರು, ಒಂದು ಕೆ.ಜಿ ಚಿನ್ನವನ್ನು ಬಹುಮಾನವಾಗಿ ಪಡೆದಿದ್ದಾರೆ.
ಬೆಂಗಳೂರಿನ ಡಿಕೆಎನ್ ಮಳಿಗೆಯಲ್ಲಿ ಚಿನ್ನ ಖರೀದಿಸಿದ್ದ ಅವರು ಫೆಸ್ಟಿವಲ್ನ ಕೂಪನ್ ಪಡೆದಿದ್ದರು. ಮಹಾತ್ಮಗಾಂಧಿ ರಸ್ತೆಯ ಶಾಖೆಯಲ್ಲಿ ನಡೆದ ಸಂಭ್ರಮಾಚರಣೆ ಸಮಾರಂಭದಲ್ಲಿ ಅವರಿಗೆ ಬಹುಮಾನ ನೀಡಲಾಯಿತು.
ಫೆಸ್ಟಿವಲ್ನ 72 ಅದೃಷ್ಟಶಾಲಿ ವಿಜೇತರ ಪೈಕಿ ಎಂಟು ಮಂದಿ ಜೋಯಾಲುಕ್ಕಾಸ್ ಶಾಖೆಯಲ್ಲಿ ಚಿನ್ನಾಭರಣ ಖರೀದಿಸಿದ್ದ ಗ್ರಾಹಕರಾಗಿದ್ದಾರೆ. ವಿಜೇತರಾದ ಎಲ್ಲಾ ಗ್ರಾಹಕರಿಗೆ ಒಟ್ಟು 1,111 ಗ್ರಾಂ ಚಿನ್ನ ಹಾಗೂ 28 ಗ್ರಾಹಕರಿಗೆ 2,030 ಗ್ರಾಂ ಬೆಳ್ಳಿಯನ್ನು ಬಹುಮಾನವಾಗಿ ನೀಡಲಾಯಿತು.