ಸೋಮವಾರ, ಜನವರಿ 17, 2022
27 °C

ಲಂಡನ್‌ ಮೂಲದ ನಥಿಂಗ್‌ನಲ್ಲಿ ಯುವರಾಜ್‌ ಸಿಂಗ್‌, ಕರಣ್‌ ಜೋಹರ್‌ ಹೂಡಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

ಕರಣ್‌ ಜೋಹರ್‌ ಮತ್ತು ಯುವರಾಜ್‌ ಸಿಂಗ್‌

ನವದೆಹಲಿ: ಗ್ರಾಹಕ ಬಳಕೆ ವಸ್ತುಗಳ ತಂತ್ರಜ್ಞಾನ ಬ್ರ್ಯಾಂಡ್‌ 'ನಥಿಂಗ್‌'ನಲ್ಲಿ ಕ್ರಿಕೆಟಿಗ ಯುವರಾಜ್‌ ಸಿಂಗ್‌, ಸಿನಿಮಾ ನಿರ್ಮಾಪಕ ಕರಣ್‌ ಜೋಹರ್‌ ಸೇರಿದಂತೆ ಹಲವು ಜನ ಹೂಡಿಕೆ ಮಾಡಿದ್ದಾರೆ. ಈಗಾಗಲೇ ದೇಶದಲ್ಲಿ ವೈರ್‌ಲೆಸ್ ಇಯರ್‌ಫೋನ್‌ ಬಿಡುಗಡೆ ಮಾಡಿರುವ ನಥಿಂಗ್‌, 50 ಮಿಲಿಯನ್‌ ಡಾಲರ್‌ (ಸುಮಾರು ₹376 ಕೋಟಿ) ಹೂಡಿಕೆ ಸಂಗ್ರಹಿಸಿರುವ ಕುರಿತು ಪ್ರಕಟಿಸಿತ್ತು.

ಕಾರ್ಯತಂತ್ರದ ಭಾಗವಾಗಿರುವವರು ಮತ್ತು ಖಾಸಗಿ ಹೂಡಿಕೆದಾರರಿಂದ 50 ಮಿಲಿಯನ್‌ ಡಾಲರ್‌ ಸಂಗ್ರಹ ಪೂರ್ಣಗೊಂಡಿರುವುದಾಗಿ ಅಕ್ಟೋಬರ್‌ನಲ್ಲಿ ನಥಿಂಗ್‌ ಪ್ರಕಟಿಸಿತ್ತು. ಭಾರತದಿಂದ ಸಿನಿಮಾ ನಿರ್ಮಾಪಕ, ನಿರ್ದೇಶಕ ಕರಣ್‌ ಜೋಹರ್‌, ಅಂತರರಾಷ್ಟ್ರೀಯ ಕ್ರಿಕೆಟಿಗ, ಉದ್ಯಮಿ ಯುವರಾಜ್‌ ಸಿಂಗ್‌ ಹಾಗೂ ಫ್ಯಾಷನ್‌ ಡಿಸೈನರ್‌ ಸವ್ಯಸಾಚಿ ಮುಖರ್ಜಿ ಹೂಡಿಕೆ ಮಾಡಿರುವುದಾಗಿ ಪ್ರಕಟಣೆಯಲ್ಲಿದೆ.

ಡಿಜಿಟಲ್‌ ಕಂಟೆಂಟ್‌ ಕ್ರಿಯೇಟರ್‌, ಉದ್ಯಮಿ ರಣವೀರ್‌ ಅಲ್ಲಾಹ್‌ಬಾದಿಯಾ ಮತ್ತು ಬಾಲಿವುಡ್‌ ಸಂಗೀತ ಸಂಯೋಜಕ, ಗಾಯಕ ಜಸ್ಲೀನ್‌ ರಾಯಲ್‌ ಸಹ ನಥಿಂಗ್‌ ಜೊತೆ ಕೈಜೋಡಿಸಿದ್ದಾರೆ.

ಇದೇ ವರ್ಷ ನಥಿಂಗ್‌, ಇಯರ್‌(1) ಹೆಸರಿನ ವೈರ್‌ಲೆಸ್‌ ಇಯರ್‌ಬಡ್‌ ಬಿಡುಗಡೆ ಮಾಡಿತ್ತು. ಲಂಡನ್‌ ಮೂಲದ ನಥಿಂಗ್‌ ಕಂಪನಿಯಲ್ಲಿ ಭಾರತೀಯ ಉದ್ಯಮಿ ಕುನಾಲ್‌ ಶಾ ಪ್ರಮುಖ ಪಾತ್ರವಹಿಸಿದ್ದಾರೆ. ಒನ್‌ಪ್ಲಸ್‌ ಸಹ ಸಂಸ್ಥಾಪಕ ಕಾರ್ಲ್‌ ಪೈ ಅವರು ನಥಿಂಗ್‌ಗೂ ಸಹ ಸಂಸ್ಥಾಪಕರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು