<p><strong>ನವದೆಹಲಿ</strong>: ಕೈಗಾರಿಕೆ ಮತ್ತು ಆಂತರಿಕ ವ್ಯಾಪಾರ ಉತ್ತೇಜನ ಇಲಾಖೆಯ (ಡಿಪಿಐಐಟಿ) ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಕಳೆದ 2024-25ರ ಹಣಕಾಸು ವರ್ಷದಲ್ಲಿ ದೇಶಕ್ಕೆ ಬಂದ ವಿದೇಶಿ ನೇರ ಹೂಡಿಕೆಯ(ಎಫ್ಡಿಐ) ಒಳಹರಿವಿನ ಪೈಕಿ ಶೇ 51ರಷ್ಟು ಮಹಾರಾಷ್ಟ್ರ ಮತ್ತು ಕರ್ನಾಟಕಕ್ಕೆ ಬಂದಿದೆ.</p><p>2024-25ರ ಏಪ್ರಿಲ್-ಮಾರ್ಚ್ ಅವಧಿಯಲ್ಲಿ ಮಹಾರಾಷ್ಟ್ರವು ಗರಿಷ್ಠ 19.6 ಬಿಲಿಯನ್ ಡಾಲರ್(ಸುಮಾರು ₹16,81 ಲಕ್ಷ ಕೋಟಿ) ವಿದೇಶಿ ಒಳಹರಿವನ್ನು ಆಕರ್ಷಿಸಿದೆ. ಇದು ದೇಶದ ಒಟ್ಟು ಎಫ್ಡಿಐನ ಶೇ 31 ರಷ್ಟಿದೆ.</p><p>ಕಳೆದ ಹಣಕಾಸು ವರ್ಷದಲ್ಲಿ ಕರ್ನಾಟಕವು 6.62 ಬಿಲಿಯನ್ ಡಾಲರ್(ಸುಮಾರು ₹5,67 ಲಕ್ಷ ಕೋಟಿ) ವಿದೇಶಿ ಹೂಡಿಕೆಗಳನ್ನು ಪಡೆದಿದೆ ಎಂದು ದತ್ತಾಂಶವು ತೋರಿಸಿದೆ.</p><p>ಉಳಿದಂತೆ, ದೆಹಲಿ( 6 ಬಿಲಿಯನ್ ಡಾಲರ್), ಗುಜರಾತ್(5.71 ಬಿಲಿಯನ್ ಡಾಲರ್), ತಮಿಳುನಾಡು( 3.68 ಬಿಲಿಯನ್ ಡಾಲರ್), ಹರಿಯಾಣ( 3.14 ಬಿಲಿಯನ್ ಡಾಲರ್), ತೆಲಂಗಾಣ ( 3 ಬಿಲಿಯನ್ ಡಾಲರ್) ಹೂಡಿಕೆ ಆಕರ್ಷಿಸಿವೆ.</p><p>ಮೂಲಸೌಕರ್ಯದಲ್ಲಿ ಗಣನೀಯ ಸುಧಾರಣೆ ಮಹಾರಾಷ್ಟ್ರ ಮತ್ತು ಕರ್ನಾಟಕಕ್ಕೆ ಎಫ್ಡಿಐನಲ್ಲಿ ಸಿಂಹಪಾಲು ಹರಿದು ಬರಲು ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p><p>ಕಳೆದ ಹಣಕಾಸು ವರ್ಷದಲ್ಲಿ ಈಕ್ವಿಟಿ ಒಳಹರಿವು, ಗಳಿಕೆಯ ಮರುಹೂಡಿಕೆ ಮತ್ತು ಇತರ ಬಂಡವಾಳವನ್ನು ಒಳಗೊಂಡಿರುವ ಒಟ್ಟು ಎಫ್ಡಿಐ ಶೇ 14ರಷ್ಟು ಹೆಚ್ಚಾಗಿ 81.04 ಬಿಲಿಯನ್ ಅಮೆರಿಕನ್ ಡಾಲರ್ಗೆ ತಲುಪಿದೆ. ಇದು ಕಳೆದ ಮೂರು ವರ್ಷಗಳಲ್ಲೇ ಅತಿ ಹೆಚ್ಚಾಗಿದೆ. 2023-24ರಲ್ಲಿ ಎಫ್ಡಿಐ 71.3 ಬಿಲಿಯನ್ ಅಮೆರಿಕನ್ ಡಾಲರ್ಗಳಷ್ಟಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಕೈಗಾರಿಕೆ ಮತ್ತು ಆಂತರಿಕ ವ್ಯಾಪಾರ ಉತ್ತೇಜನ ಇಲಾಖೆಯ (ಡಿಪಿಐಐಟಿ) ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಕಳೆದ 2024-25ರ ಹಣಕಾಸು ವರ್ಷದಲ್ಲಿ ದೇಶಕ್ಕೆ ಬಂದ ವಿದೇಶಿ ನೇರ ಹೂಡಿಕೆಯ(ಎಫ್ಡಿಐ) ಒಳಹರಿವಿನ ಪೈಕಿ ಶೇ 51ರಷ್ಟು ಮಹಾರಾಷ್ಟ್ರ ಮತ್ತು ಕರ್ನಾಟಕಕ್ಕೆ ಬಂದಿದೆ.</p><p>2024-25ರ ಏಪ್ರಿಲ್-ಮಾರ್ಚ್ ಅವಧಿಯಲ್ಲಿ ಮಹಾರಾಷ್ಟ್ರವು ಗರಿಷ್ಠ 19.6 ಬಿಲಿಯನ್ ಡಾಲರ್(ಸುಮಾರು ₹16,81 ಲಕ್ಷ ಕೋಟಿ) ವಿದೇಶಿ ಒಳಹರಿವನ್ನು ಆಕರ್ಷಿಸಿದೆ. ಇದು ದೇಶದ ಒಟ್ಟು ಎಫ್ಡಿಐನ ಶೇ 31 ರಷ್ಟಿದೆ.</p><p>ಕಳೆದ ಹಣಕಾಸು ವರ್ಷದಲ್ಲಿ ಕರ್ನಾಟಕವು 6.62 ಬಿಲಿಯನ್ ಡಾಲರ್(ಸುಮಾರು ₹5,67 ಲಕ್ಷ ಕೋಟಿ) ವಿದೇಶಿ ಹೂಡಿಕೆಗಳನ್ನು ಪಡೆದಿದೆ ಎಂದು ದತ್ತಾಂಶವು ತೋರಿಸಿದೆ.</p><p>ಉಳಿದಂತೆ, ದೆಹಲಿ( 6 ಬಿಲಿಯನ್ ಡಾಲರ್), ಗುಜರಾತ್(5.71 ಬಿಲಿಯನ್ ಡಾಲರ್), ತಮಿಳುನಾಡು( 3.68 ಬಿಲಿಯನ್ ಡಾಲರ್), ಹರಿಯಾಣ( 3.14 ಬಿಲಿಯನ್ ಡಾಲರ್), ತೆಲಂಗಾಣ ( 3 ಬಿಲಿಯನ್ ಡಾಲರ್) ಹೂಡಿಕೆ ಆಕರ್ಷಿಸಿವೆ.</p><p>ಮೂಲಸೌಕರ್ಯದಲ್ಲಿ ಗಣನೀಯ ಸುಧಾರಣೆ ಮಹಾರಾಷ್ಟ್ರ ಮತ್ತು ಕರ್ನಾಟಕಕ್ಕೆ ಎಫ್ಡಿಐನಲ್ಲಿ ಸಿಂಹಪಾಲು ಹರಿದು ಬರಲು ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.</p><p>ಕಳೆದ ಹಣಕಾಸು ವರ್ಷದಲ್ಲಿ ಈಕ್ವಿಟಿ ಒಳಹರಿವು, ಗಳಿಕೆಯ ಮರುಹೂಡಿಕೆ ಮತ್ತು ಇತರ ಬಂಡವಾಳವನ್ನು ಒಳಗೊಂಡಿರುವ ಒಟ್ಟು ಎಫ್ಡಿಐ ಶೇ 14ರಷ್ಟು ಹೆಚ್ಚಾಗಿ 81.04 ಬಿಲಿಯನ್ ಅಮೆರಿಕನ್ ಡಾಲರ್ಗೆ ತಲುಪಿದೆ. ಇದು ಕಳೆದ ಮೂರು ವರ್ಷಗಳಲ್ಲೇ ಅತಿ ಹೆಚ್ಚಾಗಿದೆ. 2023-24ರಲ್ಲಿ ಎಫ್ಡಿಐ 71.3 ಬಿಲಿಯನ್ ಅಮೆರಿಕನ್ ಡಾಲರ್ಗಳಷ್ಟಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
