ನವದೆಹಲಿ (ಪಿಟಿಐ): ಕೇಂದ್ರ ಸರ್ಕಾರವು ಒಎನ್‌ಜಿಸಿ ಕಂಪನಿಯಲ್ಲಿ ತಾನು ಹೊಂದಿರುವ ಷೇರುಗಳಲ್ಲಿ ಶೇಕಡ 1.5ರವರೆಗೆ ಮಾರಾಟ ಮಾಡಲಿದ್ದು, ಈ ಮೂಲಕ ₹ 3,000 ಕೋಟಿ ಸಂಗ್ರಹಿಸುವ ಗುರಿ ಹೊಂದಿದೆ.
ಕೇಂದ್ರ ಸರ್ಕಾರವು ಷೇರು ಮಾರುಕಟ್ಟೆ ಮೂಲಕ ಈ ಷೇರುಗಳನ್ನು ಮಾರಾಟ ಮಾಡಲಿದೆ (ಒಎಫ್‌ಎಸ್‌). ಇದು ಮಾರ್ಚ್ 30, 31ರಂದು ನಡೆಯಲಿದೆ.
ಒಎಫ್‌ಎಸ್‌ ವೇಳೆ ಪ್ರತಿ ಷೇರಿನ ಬೆಲೆಯನ್ನು ₹ 159ಕ್ಕೆ ನಿಗದಿ ಮಾಡಲಾಗಿದೆ. ಇದು ಒಎನ್‌ಜಿಸಿ ಷೇರಿನ ಮಂಗಳವಾರದ ಬೆಲೆಗಿಂತ ಶೇ 7ರಷ್ಟು ಕಡಿಮೆ. ಒಎನ್‌ಜಿಸಿ ಕಂಪನಿಯಲ್ಲಿ ಕೇಂದ್ರ ಸರ್ಕಾರವು ಈಗ ಶೇ 60.41ರಷ್ಟು ಪಾಲು ಹೊಂದಿದೆ.
