ಬೆಂಗಳೂರು: ಕೊರೊನಾ ವೈರಸ್‌ ಹರಡುವಿಕೆ ತಡೆಗೆ ಹೇರಲಾದ ಲಾಕ್‌ಡೌನ್‌ ಮತ್ತು ಕಠಿಣಕ್ರಮಗಳು ಬಹುತೇಕ ತೆರವುಗೊಂಡ ಬಳಿಕ ಪೆಟ್ರೋಲ್ ದರ ಮತ್ತಷ್ಟು ಏರಿಕೆ ಕಂಡುಬಂದಿದೆ. ಬೆಂಗಳೂರಲ್ಲಿ ಪೆಟ್ರೋಲ್ ದರ ಎರಡು ತಿಂಗಳಲ್ಲಿ ₹7 ಹೆಚ್ಚಾಗಿದೆ.
ಬೆಂಗಳೂರಲ್ಲಿ ಪೆಟ್ರೋಲ್ ದರ ಒಂದು ಲೀಟರ್‌ಗೆ ₹105.31 ಇದೆ. ಕಳೆದ 20 ದಿನಗಳಿಂದ ದರದಲ್ಲಿ ವ್ಯತ್ಯಾಸ ಕಂಡುಬಂದಿಲ್ಲ. ಜೂನ್‌ 10ರಂದು ಪೆಟ್ರೋಲ್ ದರ ₹98.81 ಇತ್ತು. ಏಪ್ರಿಲ್ 10ರಂದು ₹93.57 ಇತ್ತು. ಒಟ್ಟಾರೆ ಕೇವಲ 6 ತಿಂಗಳಲ್ಲಿ ₹18.29 ಹೆಚ್ಚಾಗಿದೆ.
ಡೀಸೆಲ್‌ ದರದಲ್ಲಿ ಕಳೆದ ಒಂದು ತಿಂಗಳಿಂದ ಯಾವುದೇ ವ್ಯತ್ಯಾಸ ಕಂಡುಬಂದಿಲ್ಲ. ಒಂದು ಲೀಟರ್‌ ಡೀಸೆಲ್‌ ದರ ಬೆಂಗಳೂರಿನಲ್ಲಿ ₹95.32 ಇದೆ. ಜೂನ್‌ 10ರಂದು ₹91.73 ಇತ್ತು. ಏಪ್ರಿಲ್ 10ರಂದು ₹85.73 ಇತ್ತು. ಒಟ್ಟಾರೆ 6 ತಿಂಗಳಲ್ಲಿ ಡೀಸೆಲ್‌ ದರ ₹16.46 ಏರಿಕೆಯಾಗಿದೆ.
