ಮಂಗಳವಾರ, ಜೂನ್ 22, 2021
27 °C

ಕೋವಿಡ್‌ನಿಂದ ಹಾನಿ: ಹೋಟೆಲ್, ಪ್ರವಾಸೋದ್ಯಮ ವಲಯಗಳಿಗೆ ಸುಲಭ ಸಾಲ -ಆರ್‌ಬಿಐ

ಪಿಟಿಐ Updated:

ಅಕ್ಷರ ಗಾತ್ರ : | |

ಮುಂಬೈ: ಕೋವಿಡ್ ಸಾಂಕ್ರಾಮಿಕದಿಂದಾಗಿ ತೀವ್ರ ಹಾನಿಗೆ ಒಳಗಾಗಿರುವ ಉದ್ಯಮದ ಕೆಲವು ವಲಯಗಳಿಗೆ ಸಾಲ ನೀಡಲು ನೆರವಾಗುವ ಉದ್ದೇಶದಿಂದ ಆರ್‌ಬಿಐ, ₹ 15 ಸಾವಿರ ಕೋಟಿ ಮೌಲ್ಯದ ವಿಶೇಷ ಯೋಜನೆಯೊಂದನ್ನು ರೂಪಿಸಲು ತೀರ್ಮಾನಿಸಿದೆ.

‘ಕೋವಿಡ್‌ನ ಎರಡನೆಯ ಅಲೆಯ ದುಷ್ಪರಿಣಾಮಗಳನ್ನು ತಗ್ಗಿಸುವ ಉದ್ದೇಶದಿಂದ 2022ರ ಮಾರ್ಚ್‌ 31ರವರೆಗೆ ಕೆಲವು ವಲಯಗಳಿಗೆ ಸಾಲ ಒದಗಿಸಲು ವಿಶೇಷ ವ್ಯವಸ್ಥೆಯೊಂದನ್ನು ಮಾಡಲಾಗುತ್ತದೆ. ಇದರ ಅಡಿ ಗರಿಷ್ಠ ಮೂರು ವರ್ಷಗಳ ಅವಧಿಗೆ ಸಾಲ ಪಡೆಯಬಹುದು’ ಎಂದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಅವರು ಶುಕ್ರವಾರ ತಿಳಿಸಿದರು.

ಈ ಯೋಜನೆಯ ಅಡಿಯಲ್ಲಿ, ಹೋಟೆಲ್ ಮತ್ತು ರೆಸ್ಟಾರೆಂಟ್‌, ಪ್ರವಾಸೋದ್ಯಮ ವಲಯ, ಪ್ರವಾಸ ಸೌಲಭ್ಯ ಕಲ್ಪಿಸುವ ಏಜೆಂಟ್‌ಗಳು, ಪಾರಂಪರಿಕ ಪ್ರವಾಸಿ ತಾಣಗಳು, ವಿಮಾನಗಳಿಗೆ ಬಿಡಿಭಾಗ ಪೂರೈಸುವ ಉದ್ಯಮಗಳು, ಖಾಸಗಿ ಬಸ್ ಸೇವೆ ಒದಗಿಸುವವರು, ಕಾರು ರಿಪೇರಿ ಸೇವೆ ಒದಗಿಸುವವರು, ಕಾರುಗಳನ್ನು ಬಾಡಿಗೆ ಆಧಾರದಲ್ಲಿ ನೀಡುವವರು, ಸ್ಪಾ ಕ್ಲಿನಿಕ್‌ಗಳು, ಬ್ಯೂಟಿ ಪಾರ್ಲರ್‌ ಹಾಗೂ ಸಲೂನ್‌ಗಳಿಗೆ ಬ್ಯಾಂಕ್‌ಗಳು ಸಾಲ ಒದಗಿಸಲು ಅವಕಾಶ ಇದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು