ಇ–ಕೆವೈಸಿ ನಡೆಸುವಾಗಲೂ ಗ್ರಾಹಕ ಖುದ್ದು ಹಾಜರಿರಬೇಕಾಗುತ್ತದೆ ಹಾಗೂ ಪ್ರಕ್ರಿಯೆಯು ಬಹಳಷ್ಟು ದತ್ತಾಂಶ ನಿರ್ವಹಣೆಯನ್ನೂ ಒಳಗೊಂಡಿರುತ್ತದೆ. ಆದರೆ, ವಿಡಿಯೊ–ಕೆವೈಸಿಯಲ್ಲಿ ಗ್ರಾಹಕ ಎಲ್ಲ ಪ್ರಕ್ರಿಯೆಗಳನ್ನೂ ವಿಡಿಯೊ ಚಾಟ್ ಮೂಲಕವೇ ಪೂರೈಸಿಕೊಳ್ಳಬಹುದು. ಅಗತ್ಯ ದಾಖಲೆಗಳನ್ನು ವಿಡಿಯೊದಲ್ಲಿಯೇ ತೋರಿಸಬಹುದಾಗಿದೆ.ಅತಿ ಸಣ್ಣ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳ ಕುರಿತು ಸೆಬಿ ಮಾಜಿ ಅಧ್ಯಕ್ಷ ಯು.ಕೆ.ಸಿನ್ಹ ನೇತೃತ್ವದ ತಜ್ಞರ ಸಮಿತಿ ಸಲ್ಲಿಸಿದ್ದ ವರದಿಯಲ್ಲಿ 'ವಿಡಿಯೊ–ಕೆವೈಸಿ' ಅಗತ್ಯತೆ ಪ್ರಸ್ತಾಪಿಸಲಾಗಿತ್ತು.