ಶನಿವಾರ, ಸೆಪ್ಟೆಂಬರ್ 18, 2021
28 °C

₹ 12 ಲಕ್ಷ ಕೋಟಿ ದಾಟಿದ ರಿಲಯನ್ಸ್‌ ಇಂಡಸ್ಟ್ರೀಸ್‌ನ ಮಾರುಕಟ್ಟೆ ಮೌಲ್ಯ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಷೇರುಬೆಲೆಯಲ್ಲಿನ ಗಮನಾರ್ಹ ಹೆಚ್ಚಳದಿಂದ ರಿಲಯನ್ಸ್‌ ಇಂಡಸ್ಟ್ರೀಸ್‌ನ (ಆರ್‌ಐಎಲ್‌) ಮಾರುಕಟ್ಟೆ ಮೌ್ಲ್ಯವು ಸೋಮವಾರ ₹ 12 ಲಕ್ಷ ಕೋಟಿ ದಾಟಿದೆ.

ಕಂಪನಿಯ ಷೇರುಬೆಲೆಯು ‘ಬಿಎಸ್‌ಇ’ಯ ದಿನದ ವಹಿವಾಟಿನಲ್ಲಿ ಶೇ 3.64ರಷ್ಟು ಏರಿಕೆಯಾಗಿ ₹ 1,947ಕ್ಕೆ ತಲುಪಿತ್ತು. ಷೇರು ಬೆಲೆಯಲ್ಲಿನ ಜಿಗಿತದ ಫಲವಾಗಿ ಕಂಪನಿಯ ಮಾರುಕಟ್ಟೆ ಮೌಲ್ಯವು ₹ 38,163.22 ಕೋಟಿಗಳಷ್ಟು ಹೆಚ್ಚಳವಾಗಿ ₹ 12,29,020.35 ಕೋಟಿಗೆ ತಲುಪಿದೆ.

ಕ್ವಾಲ್‌ಕಂ ಹೂಡಿಕೆ: ವೈರ್‌ಲೆಸ್‌ ತಂತ್ರಜ್ಞಾನದ ಪ್ರಮುಖ ಕಂಪನಿ  ಕ್ವಾಲ್‌ಕಂ ಭಾನುವಾರ ಆರ್‌ಐಎಲ್‌ನ ಶೇ 0.15ರಷ್ಟು ಪಾಲು ಖರೀದಿಸಲು ₹ 730 ಕೋಟಿ ಬಂಡವಾಳ ತೊಡಗಿಸಿದೆ.

ಏಪ್ರಿಲ್‌ನಿಂದೀಚೆಗೆ ಕಂಪನಿಯಲ್ಲಿನ ವಿವಿಧ ಪಾಲುದಾರರ ಇದುವರೆಗಿನ  ಹೂಡಿಕೆಯು ₹ 1.18 ಲಕ್ಷ ಕೋಟಿಗೆ ತಲುಪಿದೆ. ಇದರ ಫಲವಾಗಿ ಕಂಪನಿಯು ಜೂನ್‌ನಲ್ಲಿ ನಿವ್ವಳ ಸಾಲದಿಂದ ಮುಕ್ತವಾಗಿದೆ.

ಸೋಮವಾರದ ವಹಿವಾಟಿನ ವಿವರ

ಆರ್‌ಐಎಲ್‌ನ ಷೇರು ಬೆಲೆ-  ₹ 1,947, ಷೇರು ಮೌಲ್ಯದಲ್ಲಿನ ಹೆಚ್ಚಳ ₹ 38,163 ಕೋಟಿ, ಕಂಪನಿಯ ಮಾರುಕಟ್ಟೆ ಮೌಲ್ಯ- ₹ 12.26 ಲಕ್ಷ ಕೋಟಿ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು