‘ಮನೆಯಿಂದ ಕೆಲಸ ಮಾಡುವುದರಿಂದ ಮೈಕ್ರೊಸಾಫ್ಟ್ ಸಿಬ್ಬಂದಿಯ ಉತ್ಪಾದಕತೆ ಹೆಚ್ಚಿರುವುದು ಅತಿಯಾಗಿ ಸಂಭ್ರಮಪಡುವ ಸಂಗತಿಯಲ್ಲ. ಮನೆಯಿಂದಲೇ ಕೆಲಸ ಮಾಡುವುದರಿಂದ, ಉದ್ಯೋಗಿಗಳು ಕಚೇರಿಯಲ್ಲಿ ಒಂದೆಡೆಯೇ ಕೆಲಸ ಮಾಡುತ್ತ, ಬದುಕುತ್ತ, ಇಡೀ ಸಮಾಜ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡಿರುವ ವ್ಯವಸ್ಥೆಯನ್ನು ಬಲಿ ಕೊಡಲಾಗುತ್ತಿದೆ. ಸ್ಪರ್ಶದ ಮಾಂತ್ರಿಕತೆಗೂ ವ್ಯಕ್ತಿಗಳು ಎರವಾಗುತ್ತಾರೆ. ವಿಡಿಯೊ ಕರೆಗಳು ಉದ್ಯೋಗಿಗಳು ಮುಖಾಮುಖಿಯಾಗಿ ಸಭೆ ನಡೆಸುವುದರ ಸ್ಥಾನವನ್ನು ಯಾವತ್ತೂ ತುಂಬುವುದಿಲ್ಲ. ಕಚೇರಿಯ ಮುಖಾಮುಖಿ ಸಭೆಗಳಲ್ಲಿ ಎದುರಿಗಿರುವ ವ್ಯಕ್ತಿಯ ಜತೆಗೆ ಸಭೆಯ ಮುಂಚೆ ಮತ್ತು ನಂತರ ಒಂದೆರಡು ನಿಮಿಷಗಳ ಉಭಯಕುಶಲೋಪರಿ ನಡೆಸುವುದಕ್ಕೆ ನಾನೀಗ ವಂಚಿತನಾಗಿದ್ದೇನೆ’ ಎಂದೂ ಅವರು ಹೇಳಿಕೊಂಡಿದ್ದಾರೆ.