ನವದೆಹಲಿ: ಮೊಲಾಸಿಸ್‌–ಸಿ (ಕಾಕಂಬಿ) ಬಳಸಿ ಉತ್ಪಾದಿಸುವ ಒಂದು ಲೀಟರ್ ಎಥೆನಾಲ್‌ಗೆ ₹6.87 ಪ್ರೋತ್ಸಾಹಧನ ನೀಡುವುದಾಗಿ ಕೇಂದ್ರ ಸರ್ಕಾರಿ ಸ್ವಾಮ್ಯದ ಪೆಟ್ರೋಲಿಯಂ ಕಂಪನಿಗಳು ಶುಕ್ರವಾರ ತಿಳಿಸಿವೆ.
ಕಂಪನಿಗಳ ಈ ನಿರ್ಧಾರವನ್ನು ಭಾರತೀಯ ಸಕ್ಕರೆ ಮತ್ತು ಜೈವಿಕ ಇಂಧನ ತಯಾರಕರ ಸಂಘ (ಐಎಸ್‌ಎಂಎ) ಸ್ವಾಗತಿಸಿದ್ದು, ಮುಂದಿನ ದಿನಗಳನ್ನು ಬೆಲೆಯನ್ನು ಮತ್ತಷ್ಟು ಹೆಚ್ಚಿಸಬೇಕು ಎಂದು ಹೇಳಿದೆ.
‘ಈ ಪ್ರೋತ್ಸಾಹಧನ ಲಭಿಸಿದರೆ ಒಂದು ಲೀಟರ್ ಎಥೆನಾಲ್‌ ಬೆಲೆ ₹56.28 ಆಗಲಿದೆ. ಕಂಪನಿಗಳ ನಿರ್ಧಾರವು ಪ್ರಶಂಸನೀಯವಾಗಿದೆ’ ಎಂದು ಸಂಘದ ಅಧ್ಯಕ್ಷ ಎಂ. ಪ್ರಭಾಕರ್‌ ರಾವ್‌ ಹೇಳಿದ್ದಾರೆ.
