ಬೆಂಗಳೂರು: ಟಾಟಾ ಮೋಟರ್ಸ್ ಕಂಪನಿಯು ಆಲ್ಟ್ರೋಜ್, ನೆಕ್ಸಾನ್ ಮತ್ತು ನೆಕ್ಸಾನ್ ಇ.ವಿ. ಮಾದರಿಯ ವಾಹನಗಳ ‘ಡಾರ್ಕ್ ಎಡಿಷನ್’ ಆವೃತ್ತಿ ಬಿಡುಗಡೆ ಮಾಡಿದೆ. ಈ ಮೂಲಕ ತನ್ನ ಡಾರ್ಕ್ ಎಡಿಷನ್ ಆಯ್ಕೆಯ ವ್ಯಾಪ್ತಿಯನ್ನು ವಿಸ್ತರಿಸಿದೆ.
ಆಲ್ಟ್ರೋಜ್ ಡಾರ್ಕ್ ಬೆಲೆಯು ₹ 8.71 ಲಕ್ಷದಿಂದ ಆರಂಭ ಆಗಲಿದೆ. ನೆಕ್ಸಾನ್ ಟ್ರಿಮ್ ಬೆಲೆ ₹ 10.41 ಲಕ್ಷದಿಂದ, ನೆಕ್ಸಾನ್ ಇ.ವಿ. ಬೆಲೆ ₹ 15.99 ಲಕ್ಷದಿಂದ ಆರಂಭ ಆಗಲಿದೆ.
ಹ್ಯಾರಿಯರ್ನ ಪರಿಷ್ಕೃತ ಡಾರ್ಕ್ ಎಡಿಷನ್ ಅನ್ನೂ ಕಂಪನಿಯ ಪರಿಚಯಿಸಿದ್ದು, ಇದರ ಆರಂಭಿಕ ಬೆಲೆ ₹ 18.04 ಲಕ್ಷ ಇದೆ (ದೆಹಲಿ ಎಕ್ಸ್ಷೋರೂಂ).
ಕಂಪನಿಯು 2019ರ ಆಗಸ್ಟ್ನಲ್ಲಿ ಮೊದಲ ಬಾರಿಗೆ ಹ್ಯಾರಿಯರ್ನ ಡಾರ್ಕ್ ಎಡಿಷನ್ ಪರಿಚಯಿಸಿತು. ಅದಕ್ಕೆ ಗ್ರಾಹಕರಿಂದ ಉತ್ತಮ ಸ್ಪಂದನ ಸಿಗುತ್ತಿರುವುದು ಇತರೆ ಮಾದರಿಗಳ ಡಾರ್ಕ್ ಎಡಿಷನ್ ಬಿಡುಗಡೆ ಮಾಡಲು ಉತ್ತೇಜಿಸಿತು ಎಂದು ಕಂಪನಿ ಹೇಳಿದೆ.