ಕಂಪನಿಗಳು ಪ್ರತಿ ಗ್ರಾಹಕನಿಂದ ಪಡೆಯುವ ಆದಾಯವು (ಎಆರ್ಪಿಯು) ಕೆಲವು ವರ್ಷಗಳಿಂದ ಇಳಿಮುಖವಾಗಿತ್ತು. ಇದು ಈ ಹಣಕಾಸು ವರ್ಷದಲ್ಲಿ ಶೇ 8–10ರವರೆಗೆ ಏರಿಕೆ ಕಾಣಲಿದ್ದು, ₹190ಕ್ಕೆ ತಲುಪಲಿದೆ. ಕಂಪನಿಗಳು ಸದ್ಯ 4ಜಿಯಿಂದ 5ಜಿ ಸೇವೆಗೆ ಗ್ರಾಹಕರನ್ನು ಬದಲಾಯಿಸುವುದರ ಕಡೆಗೆ ಗಮನ ಹರಿಸಿದ್ದು, ಅಲ್ಪಾವಧಿಯಲ್ಲಿ ಶುಲ್ಕ ಹೆಚ್ಚಿಸುವ ಸಾಧ್ಯತೆ ಕಡಿಮೆ. ಹೀಗಿದ್ದರೂ ಎಆರ್ಪಿಯು ಬೆಳವಣಿಗೆ ಕಾಣಲಿದೆ ಎಂದು ಸಂಸ್ಥೆಯ ಅಧಿಕಾರಿ ಮನಿಷ್ ಗುಪ್ತಾ ಹೇಳಿದ್ದಾರೆ.