ನೌಕರರ ಕುಟುಂಬಕ್ಕೆ ಟಿಟಿಕೆ ಪ್ರೆಸ್ಟೀಜ್ ನೆರವು
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಕೋವಿಡ್–19 ಸಾಂಕ್ರಾಮಿಕಕ್ಕೆ ತುತ್ತಾಗುವ ತನ್ನ ನೌಕರರ ಕುಟುಂಬದವರ ನೆರವಿಗೆ ಟಿಟಿಕೆ ಪ್ರೆಸ್ಟೀಜ್ ಕಂಪನಿ ಮುಂದಾಗಿದೆ. ನೌಕರ ಕೋವಿಡ್‌ನಿಂದಾಗಿ ಮೃತಪಟ್ಟರೆ, ಅವರ ಕುಟುಂಬಕ್ಕೆ ಒಂದು ವರ್ಷದ ಅವಧಿಗೆ ಕಂಪನಿಯ ಕಡೆಯಿಂದ ನೌಕರನ ಪೂರ್ತಿ ವೇತನ ಕೊಡಲಾಗುತ್ತದೆ.
ಎರಡನೆಯ ವರ್ಷದಲ್ಲಿ, ನೌಕರನ ಸಂಬಳದ ಶೇಕಡ 50ರಷ್ಟನ್ನು ಕುಟುಂಬಕ್ಕೆ ನೀಡಲಾಗುತ್ತದೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ. ನೌಕರ ಮೃತಪಟ್ಟ ದಿನದಿಂದ ಎರಡು ವರ್ಷಗಳವರೆಗೆ, ಆತ ನಾಮನಿರ್ದೇಶನ ಮಾಡಿದ್ದ ಕುಟುಂಬದ ಸದಸ್ಯರಿಗೆ ವೈದ್ಯಕೀಯ ವಿಮೆಯ ಸೌಲಭ್ಯ ಮುಂದುವರಿಯಲಿದೆ.
ಕುಟುಂಬದ ಸದಸ್ಯರು ನೌಕರಿ ಮಾಡಲು ಸಿದ್ಧರಿದ್ದರೆ, ಅವರಿಗೆ ಅಗತ್ಯ ಕೌಶಲ ಇದ್ದರೆ, ಉದ್ಯಮಕ್ಕೆ ಅವರ ಅಗತ್ಯ ಇದ್ದರೆ, ಮೃತ ಕುಟುಂಬದ ಒಬ್ಬ ಸದಸ್ಯನಿಗೆ ಉದ್ಯೋಗ ಕಲ್ಪಿಸುವ ಗುರಿ ಕಂಪನಿಗೆ ಇದೆ ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
