ಯುಪಿಐ ಆಧಾರಿತ ಪಾವತಿ ಸೇವೆಗಳಲ್ಲಿ ತೊಂದರೆ ಆಗಿದ್ದರ ಬಗ್ಗೆ ಹಲವರು ಸಾಮಾಜಿಕ ಜಾಲತಾಣಗಳ ಮೂಲಕ ಮಾಹಿತಿ ನೀಡಿದ್ದಾರೆ. ‘ಯುಪಿಐ ವ್ಯವಸ್ಥೆ ಬಹಳ ಒಳ್ಳೆಯದು. ಆದರೆ, ಅದರ ಮೇಲಿನ ಅತಿಯಾದ ಅವಲಂಬನೆ ಬೇಡ. ನಾನು ಎಲ್ಲ ಕಡೆಯೂ ನಗದುರಹಿತ ವಹಿವಾಟು ನಡೆಸುತ್ತೇನೆ. ಇವತ್ತು ದಿನಸಿ ಅಂಗಡಿಗೆ ಹೋಗಿದ್ದೆ. ನಗದು ಇರಲಿಲ್ಲ. ಅಲ್ಲಿ ಹಣ ಪಾವತಿ ಮಾಡಲು 30 ನಿಮಿಷ ಕಾಯಬೇಕಾಯಿತು. ನಂತರ ನನ್ನ ಪರಿಚಯದವರೊಬ್ಬರು ನನ್ನ ಪರವಾಗಿ ಹಣ ಪಾವತಿಸಿದರು’ ಎಂದು ಹೃಷಿಕೇಶ್ ಎಂಬುವವರು ಟ್ವೀಟ್ ಮಾಡಿದ್ದಾರೆ.