ವಿಯೆಟ್ನಾಂ ಈಗ ಇನ್ನೂ ಹತ್ತಿರ

ಹೊ ಚಿ ಮಿನ್ ಸಿಟಿ (ವಿಯೆಟ್ನಾಂ): ಭಾರತ–ಚೀನಾ ನಾಗರಿಕತೆಗಳ ಸಂಗಮವಾಗಿರುವ ವಿಯೆಟ್ನಾಂನ ರೋಮಾಂಚನಕಾರಿ ಚರಿತ್ರೆ, ಜೀವನೋತ್ಸಾಹ ತುಂಬಿದ ಸಂಸ್ಕೃತಿ ಮತ್ತು ಹಸಿರು ಮೆತ್ತಿಕೊಂಡ ಪ್ರಕೃತಿಯನ್ನು ಆಸ್ವಾದಿಸಲು ಹಾತೊರೆಯುವ ಭಾರತೀಯರಿಗಾಗಿ ‘ವಿಯೆಟ್ಜೆಟ್ ಏರ್’ ವಿಮಾನಯಾನ ಸಂಸ್ಥೆಯು ಅಗ್ಗದ ದರದಲ್ಲಿ ಪ್ರಯಾಣದ ಅವಕಾಶ ಕಲ್ಪಿಸಿದೆ.

. ಭಾರತದ ಪ್ರಮುಖ ನಗರಗಳಿಂದ ವಿಯೆಟ್ನಾಂನ ಹೆಸರಾಂತ ಪ್ರವಾಸಿ ತಾಣಗಳಿಗೆ ಸಂಪರ್ಕ ಕಲ್ಪಿಸಿರುವ ‘ವಿಯೆಟ್ಜೆಟ್ ಏರ್’, ಇತ್ತೀಚೆಗೆ ಬೆಂಗಳೂರು–ಹೊ ಚಿ ಮಿನ್ ಸಿಟಿ ನಡುವೆಯೂ ನೇರ ವಿಮಾನಯಾನ ಆರಂಭಿಸಿದೆ. ಎರಡೂ ನಗರಗಳ ಮಧ್ಯೆ ಸದ್ಯ ವಾರಕ್ಕೆ ಮೂರು ದಿನ (ಪ್ರತೀ ಸೋಮವಾರ, ಬುಧವಾರ ಮತ್ತು ಶುಕ್ರವಾರ) ವಿಮಾನ ಸಂಪರ್ಕ ಲಭ್ಯವಿದೆ.

. ಯುದ್ಧದಿಂದ ಕೆಂಪು ನೆಲವಾಗಿದ್ದ ವಿಯೆಟ್ನಾಂನಲ್ಲಿ ಈಗ ಹೇಗೆ ಹಸಿರು ನಳನಳಿಸುತ್ತಿದೆ ಎನ್ನುವುದು ಪ್ರವಾಸಪ್ರಿಯರ ಕುತೂಹಲ. ಹೊ ಚಿ ಮಿನ್ ಸಿಟಿಯ ಆಸುಪಾಸಿನಲ್ಲಿಯೇ ಯುದ್ಧದ ಕುರುಹುಗಳನ್ನೂ ಯುದ್ಧಾನಂತರ ದೇಶದ ಒಡಲು ತುಂಬಿಸುತ್ತಿರುವ ಭತ್ತದ ಬಟ್ಟಲನ್ನೂ ನೋಡುವ ಸುಲಭದ ಅವಕಾಶ ಈ ನೇರ ವಿಮಾನಯಾನ ಸೌಲಭ್ಯದಿಂದ ಸಿಕ್ಕಂತಾಗಿದೆ. ಫ್ರೆಂಚ್ ವಸಾಹತು ಆಗಿದ್ದ ಈ ದೇಶದಲ್ಲಿ ಹೆಜ್ಜೆ ಹೆಜ್ಜೆಗೂ ಯುರೋಪ್ ಶೈಲಿಯ ಇಮಾರತುಗಳು ಕಣ್ಣಿಗೆ ಬೀಳುತ್ತವೆ. ವೈವಿಧ್ಯಮಯ ಹಣ್ಣು–ತರಕಾರಿ, ಸಮುದ್ರದ ಆಹಾರಕ್ಕೂ ಈ ದೇಶ ಹೆಸರುವಾಸಿ. ವಿಯೆಟ್ನಾಂ ಜನ ಏಕೆ ಅಷ್ಟೊಂದು ಸಪೂರ ಎಂಬ ಪ್ರಶ್ನೆಗೂ ಅಲ್ಲಿನ ನೋಟಗಳು ಉತ್ತರ ಹೇಳುತ್ತವೆ.

. ಬೆಂಗಳೂರಿನ ಆಹ್ವಾನಿತ ಪತ್ರಕರ್ತರ ತಂಡದೊಂದಿಗೆ ಮಾತನಾಡಿದ ‘ವಿಯೆಟ್ಜೆಟ್ ಏರ್’ ಸಂಸ್ಥೆಯ ಅಂತರರಾಷ್ಟ್ರೀಯ ಸಂಪರ್ಕಾಧಿಕಾರಿ ಕೀವ್ ಡಿಯಂಗ್ (ಎಮಿ), ‘ಭಾರತದ ಬಹುತೇಕ ಪ್ರಮುಖ ನಗರಗಳಿಗೆ ವಿಯೆಟ್ನಾಂ ಸಂಪರ್ಕ ಕಲ್ಪಿಸುವಲ್ಲಿ ಮಧ್ಯಮ ವರ್ಗದವರ ಜೇಬಿಗೆ ಹೊರೆಯಾಗದ ದರ ಮತ್ತು ನೇರ ಸಂಪರ್ಕ ನಮ್ಮ ಆದ್ಯತೆಗಳಾಗಿವೆ’ ಎಂದು ಹೆಮ್ಮೆಯಿಂದ ಹೇಳಿಕೊಂಡರು. ‘ಪ್ರವಾಸಿಗರು ಮತ್ತು ಉದ್ಯಮಿಗಳಿಗೆ ಅನುಕೂಲವಾಗುವಂತೆ ನಮ್ಮ ಸೌಲಭ್ಯ ಮತ್ತು ವೇಳಾಪಟ್ಟಿ ಇವೆ’ ಎಂದು ಅವರು ಹೇಳಿದರು.

. ‘ಬೆಂಗಳೂರಿಗಿಂತಲೂ ಮೊದಲು ನವದೆಹಲಿ, ಕೋಲ್ಕತ್ತ, ಮುಂಬೈ, ಅಹಮದಾಬಾದ್, ಕೊಚ್ಚಿಯಿಂದಲೂ ವಿಯೆಟ್ನಾಂನ ಹನೋಯ್, ಹೊ ಚಿ ಮಿನ್ ಸಿಟಿ, ಡಾ ನಾಂಗ್ ನಗರಗಳಿಗೆ ವಿಮಾನಯಾನ ಆರಂಭಿಸಲಾಗಿದೆ. ಆ ಯಾನಗಳೆಲ್ಲ ಈಗ ಜನಪ್ರಿಯವಾಗಿವೆ’ ಎಂದು ಅವರು ವಿವರಿಸಿದರು. ‘ವಿಯೆಟ್ಜೆಟ್ ಏರ್’ನ ಬಹುಪಾಲು ಪೈಲಟ್ಗಳು ಭಾರತೀಯರು ಎಂಬ ಗುಟ್ಟನ್ನೂ ಅವರು ಬಿಟ್ಟುಕೊಟ್ಟರು.

. ಮಿತವ್ಯಯದ ವಿಮಾನಯಾನ ಕಾರ್ಯಾಚರಣೆಗೆ ಹೆಸರಾಗಿರುವ ‘ವಿಯೆಟ್ಜೆಟ್ ಏರ್’, ತನ್ನ ಕಡಿಮೆ ಪ್ರಯಾಣ ದರಗಳಿಂದ ವಿಯೆಟ್ನಾಂನಲ್ಲಿ ಮಾತ್ರವಲ್ಲದೆ ಏಷ್ಯಾದಲ್ಲೂ ಸಂಚಲನ ಮೂಡಿಸಿದೆ. ಸುರಕ್ಷಿತಯಾನದ ಸಂಸ್ಥೆಗಳ ಪಟ್ಟಿಯಲ್ಲೂ ಎತ್ತರದ ಸ್ಥಾನದಲ್ಲಿದೆ. ಭಾರತದಿಂದ ವಿಯೆಟ್ನಾಂಗೆ ಹೋಗುವ ಪ್ರವಾಸಿಗರಿಗಾಗಿ ವಾರಕ್ಕೆ 44 ರೌಂಡ್ ಟ್ರಿಪ್ ವಿಮಾನಗಳ ಸಂಚಾರ ಸೌಲಭ್ಯವನ್ನು ಕಲ್ಪಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಯೆಟ್ನಾಂ ಈಗ ಇನ್ನೂ ಹತ್ತಿರ

ಚಿನಕುರುಳಿ ಕಾರ್ಟೂನ್: ಜುಲೈ 21 ಸೋಮವಾರ 2025

ಚುರುಮುರಿ | ಶ್ರೀಸಾಮಾನ್ಯ ಜಿರಲೆಗಳು!

ಬೇರೆಯವರು ಬೇಡ, ವಿಜಯಾನಂದನೇ ಪಂಚಮಸಾಲಿ ಪೀಠಕ್ಕೆ ಸ್ವಾಮಿ ಆಗಲಿ: ಯತ್ನಾಳ ಕಿಡಿ

ಸ್ತ್ರೀ ಆಭರಣ ಧರಿಸಿ 'ಮೈಮರೆತ' ಮೋಹನ್‌ಲಾಲ್: ಜಾಹೀರಾತಿಗೆ ಭಾರಿ ಪ್ರಶಂಸೆ

16 ತಿಂಗಳ ಬಳಿಕ ಟೆನಿಸ್ ಅಂಗಳಕ್ಕೆ ಮರಳಿದ ವೀನಸ್ ವಿಲಿಯಮ್ಸ್

IND vs ENG | 4ನೇ ಟೆಸ್ಟ್‌ಗೆ ಇಂಗ್ಲೆಂಡ್ ಆಡುವ ಬಳಗ ಪ್ರಕಟ; ಒಂದು ಬದಲಾವಣೆ

ಮಹಿಳಾ ಏಕದಿನ ಕ್ರಿಕೆಟ್‌ | ಭಾರತ–ಇಂಗ್ಲೆಂಡ್‌ ಪಂದ್ಯ ಇಂದು; ಸರಣಿ ಯಾರ ಮಡಿಲಿಗೆ?

ಹವ್ಯಕ ಬ್ಯಾಡ್ಮಿಂಟನ್ ಟೂರ್ನಿ | ಅಖಿಲ್‌, ವರ್ಷಾಗೆ ಸಿಂಗಲ್ಸ್ ಪ್ರಶಸ್ತಿ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ ಕಾರ್ಟೂನ್: ಜುಲೈ 21 ಸೋಮವಾರ 2025

ಚುರುಮುರಿ | ಶ್ರೀಸಾಮಾನ್ಯ ಜಿರಲೆಗಳು!

ಬೇರೆಯವರು ಬೇಡ, ವಿಜಯಾನಂದನೇ ಪಂಚಮಸಾಲಿ ಪೀಠಕ್ಕೆ ಸ್ವಾಮಿ ಆಗಲಿ: ಯತ್ನಾಳ ಕಿಡಿ

ಸ್ತ್ರೀ ಆಭರಣ ಧರಿಸಿ 'ಮೈಮರೆತ' ಮೋಹನ್‌ಲಾಲ್: ಜಾಹೀರಾತಿಗೆ ಭಾರಿ ಪ್ರಶಂಸೆ