ವಾಷಿಂಗ್ಟನ್: ‘ಕೋವಿಡ್–19’ ವೈರಸ್ ಪಿಡುಗು ತಡೆಗಟ್ಟಲು ವಿಶ್ವಬ್ಯಾಂಕ್ ₹ 84 ಸಾವಿರ ಕೋಟಿ ಮೊತ್ತದ ನೆರವಿನ ಕೊಡುಗೆ ಘೋಷಿಸಿದೆ.
‘ಕೋವಿಡ್–19’ ಹಾವಳಿ ತಡೆಗಟ್ಟಲು ಕೈಗೊಳ್ಳಬೇಕಾದ ಕ್ರಮಗಳಿಗೆ ಅಗತ್ಯವಾದ ಹಣಕಾಸಿನ ನೆರವನ್ನು ಸದಸ್ಯ ದೇಶಗಳಿಗೆ ತುರ್ತಾಗಿ ಒದಗಿಸಲು ಈ ಕೊಡುಗೆ ನೆರವಾಗಲಿದೆ. ಜನರ ಜೀವ ಉಳಿಸಲು ಎಲ್ಲರೂ ತ್ವರಿತವಾಗಿ ಕಾರ್ಯೋನ್ಮುಖವಾಗಬೇಕಾಗಿದೆ’ ಎಂದು ಬ್ಯಾಂಕ್ ಅಧ್ಯಕ್ಷ ಡೇವಿಡ್ ಮಲ್ಪಾಸ್ ಹೇಳಿದ್ದಾರೆ.
ಬಡ ದೇಶಗಳಲ್ಲಿ ಆರೋಗ್ಯ ಸೇವೆ ಮತ್ತು ವೈದ್ಯಕೀಯ ಸಲಕರಣೆಗಳನ್ನು ಒದಗಿಸಲು ಈ ಹಣಕಾಸು ನೆರವು ಬಳಕೆಯಾಗಲಿದೆ ಎಂದು ಬ್ಯಾಂಕ್ ತಿಳಿಸಿದೆ.