<p><strong>ಬೆಂಗಳೂರು:</strong> ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಜೊಮ್ಯಾಟೊ ಕಂಪನಿಯ ಷೇರುಗಳನ್ನು ಖರೀದಿಸಿದ್ದವರು ಶುಕ್ರವಾರದ ವಹಿವಾಟಿನಲ್ಲಿ ಸಂತಸದ ನಗೆ ಬೀರಿದ್ದಾರೆ. ಅವರ ಹೂಡಿಕೆಯ ಮೊತ್ತವು ಒಂದೇ ದಿನದಲ್ಲಿ ಶೇಕಡ 65ರಷ್ಟು ಹೆಚ್ಚಳವಾಗಿದೆ.</p>.<p>ಹೋಟೆಲ್ ಮತ್ತು ರೆಸ್ಟಾರೆಂಟ್ಗಳಿಂದ ಆಹಾರ ವಸ್ತುಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಕಂಪನಿಯಾದ ಜೊಮ್ಯಾಟೊ, ಐಪಿಒ ಸಂದರ್ಭದಲ್ಲಿ ತನ್ನ ಷೇರುಗಳ ಬೆಲೆಯನ್ನು ಗರಿಷ್ಠ ₹ 76ರವರೆಗೆ ನಿಗದಿ ಮಾಡಿತ್ತು. ಶುಕ್ರವಾರ ಬೆಳಿಗ್ಗೆ ಕಂಪನಿಯ ಷೇರುಗಳು, ಷೇರು ಮಾರುಕಟ್ಟೆಗಳಲ್ಲಿ ವಹಿವಾಟು ಆರಂಭಿಸಿದವು.</p>.<p>ಷೇರುಗಳು ₹ 115ರಂತೆ ಮುಂಬೈ ಷೇರು ಮಾರುಕಟ್ಟೆ (ಬಿಎಸ್ಇ) ಪ್ರವೇಶಿಸಿದವು. ಕೆಲವೇ ಹೊತ್ತಿನಲ್ಲಿ ಷೇರು ಮೌಲ್ಯವು ₹ 138ರವರೆಗೂ ಏರಿಕೆ ಆಗಿತ್ತು.</p>.<p>ದಿನದ ಕೊನೆಯಲ್ಲಿ ಜೊಮ್ಯಾಟೊ ಕಂಪನಿಯ ಪ್ರತಿ ಷೇರಿನ ಬೆಲೆಯು ₹ 125.85 ಆಗಿತ್ತು. ಇದರಿಂದಾಗಿ, ಐಪಿಒ ವೇಳೆ ನಿಗದಿ ಮಾಡಿದ್ದ ಬೆಲೆಗೆ ಹೋಲಿಸಿದರೆ ಜೊಮ್ಯಾಟೊ ಹೂಡಿಕೆದಾರರ ಸಂಪತ್ತು ಒಂದೇ ದಿನದಲ್ಲಿ ಶೇ 65ರಷ್ಟು ಹೆಚ್ಚಳವಾದಂತೆ ಆಗಿದೆ. ಷೇರು ಮಾರುಕಟ್ಟೆ ಪ್ರವೇಶದ ಸಂದರ್ಭದಲ್ಲಿ ಷೇರುಗಳಿಗೆ ಇದ್ದ ಬೆಲೆಗೆ (₹ 115) ಹೋಲಿಸಿದರೆ, ವಹಿವಾಟಿನ ಕೊನೆಯಲ್ಲಿ ಷೇರಿನ ಮೌಲ್ಯವು ಶೇಕಡ 9.43ರಷ್ಟು ಹೆಚ್ಚಳವಾದಂತಾಗಿದೆ.</p>.<p>ಒಂದು ಹಂತದಲ್ಲಿ ಕಂಪನಿಯ ಮಾರುಕಟ್ಟೆ ಮೌಲ್ಯವು ₹ 1 ಲಕ್ಷ ಕೋಟಿಯನ್ನು ದಾಟಿತ್ತು. ದಿನದ ವಹಿವಾಟಿನ ಕೊನೆಯಲ್ಲಿ ಮಾರುಕಟ್ಟೆ ಮೌಲ್ಯವು ₹ 98,731 ಕೋಟಿ ಆಗಿದೆ. ‘ನಮ್ಮ ಐಪಿಒಗೆ ಸಿಕ್ಕ ಭಾರಿ ಸ್ಪಂದನವು, ನಾವು ಮಾಡುತ್ತಿರುವ ವಿನಿಯೋಗಗಳನ್ನು ಅರ್ಥ ಮಾಡಿಕೊಳ್ಳುವಂತಹ ಹೂಡಿಕೆದಾರರು ಜಗತ್ತಿನ ಎಲ್ಲೆಡೆಯೂ ಇದ್ದಾರೆ ಎಂಬ ಭರವಸೆಯನ್ನು ನಮಗೆ ನೀಡಿದೆ’ ಎಂದು ಜೊಮ್ಯಾಟೊ ಸಂಸ್ಥಾಪಕ ಹಾಗೂ ಮುಖ್ಯ<br />ಕಾರ್ಯನಿರ್ವಹಣಾ ಅಧಿಕಾರಿ ದೀಪಿಂದರ್ ಗೋಯಲ್ ಪ್ರತಿಕ್ರಿಯೆ ನೀಡಿದ್ದಾರೆ.</p>.<p>‘ಇದು ನಮ್ಮ ಪಾಲಿಗೆ ಬಹುದೊಡ್ಡ ದಿನ. ಹೊಸ ಆರಂಭದ ದಿನ. ಆದರೆ, ದೇಶದ ಇಡೀ ಇಂಟರ್ನೆಟ್ ವ್ಯವಸ್ಥೆಯ ಪ್ರಯತ್ನಗಳ ಪರಿಣಾಮವಾಗಿ ನಾವು ಇಂದು ಈ ಮಟ್ಟಕ್ಕೆ ಬಂದಿದ್ದೇವೆ’ ಎಂದು ಅವರು ಕಂಪನಿಯ ಬ್ಲಾಗ್ನಲ್ಲಿ ಬರೆದಿದ್ದಾರೆ.</p>.<p><strong>***</strong></p>.<p>ನಾವು ಯಶಸ್ಸು ಕಾಣುತ್ತೇವೆಯೋ ಇಲ್ಲವೋ ಗೊತ್ತಿಲ್ಲ. ಆದರೆ, ಅತ್ಯುತ್ತಮವಾಗಿ ಕೆಲಸ ಮಾಡುವುದು ಖಂಡಿತ. ನಾವು ತಲುಪಿರುವ ಹಂತವು ಭಾರತದ ಲಕ್ಷಾಂತರ ಜನರಿಗೆ ದೊಡ್ಡ ಕನಸುಗಳನ್ನು ಕಾಣಲು ಸ್ಫೂರ್ತಿ ನೀಡುತ್ತದೆ.</p>.<p><strong>- ದೀಪಿಂದರ್ ಗೋಯಲ್, ಜೊಮ್ಯಾಟೊ ಸಿಇಒ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಜೊಮ್ಯಾಟೊ ಕಂಪನಿಯ ಷೇರುಗಳನ್ನು ಖರೀದಿಸಿದ್ದವರು ಶುಕ್ರವಾರದ ವಹಿವಾಟಿನಲ್ಲಿ ಸಂತಸದ ನಗೆ ಬೀರಿದ್ದಾರೆ. ಅವರ ಹೂಡಿಕೆಯ ಮೊತ್ತವು ಒಂದೇ ದಿನದಲ್ಲಿ ಶೇಕಡ 65ರಷ್ಟು ಹೆಚ್ಚಳವಾಗಿದೆ.</p>.<p>ಹೋಟೆಲ್ ಮತ್ತು ರೆಸ್ಟಾರೆಂಟ್ಗಳಿಂದ ಆಹಾರ ವಸ್ತುಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಕಂಪನಿಯಾದ ಜೊಮ್ಯಾಟೊ, ಐಪಿಒ ಸಂದರ್ಭದಲ್ಲಿ ತನ್ನ ಷೇರುಗಳ ಬೆಲೆಯನ್ನು ಗರಿಷ್ಠ ₹ 76ರವರೆಗೆ ನಿಗದಿ ಮಾಡಿತ್ತು. ಶುಕ್ರವಾರ ಬೆಳಿಗ್ಗೆ ಕಂಪನಿಯ ಷೇರುಗಳು, ಷೇರು ಮಾರುಕಟ್ಟೆಗಳಲ್ಲಿ ವಹಿವಾಟು ಆರಂಭಿಸಿದವು.</p>.<p>ಷೇರುಗಳು ₹ 115ರಂತೆ ಮುಂಬೈ ಷೇರು ಮಾರುಕಟ್ಟೆ (ಬಿಎಸ್ಇ) ಪ್ರವೇಶಿಸಿದವು. ಕೆಲವೇ ಹೊತ್ತಿನಲ್ಲಿ ಷೇರು ಮೌಲ್ಯವು ₹ 138ರವರೆಗೂ ಏರಿಕೆ ಆಗಿತ್ತು.</p>.<p>ದಿನದ ಕೊನೆಯಲ್ಲಿ ಜೊಮ್ಯಾಟೊ ಕಂಪನಿಯ ಪ್ರತಿ ಷೇರಿನ ಬೆಲೆಯು ₹ 125.85 ಆಗಿತ್ತು. ಇದರಿಂದಾಗಿ, ಐಪಿಒ ವೇಳೆ ನಿಗದಿ ಮಾಡಿದ್ದ ಬೆಲೆಗೆ ಹೋಲಿಸಿದರೆ ಜೊಮ್ಯಾಟೊ ಹೂಡಿಕೆದಾರರ ಸಂಪತ್ತು ಒಂದೇ ದಿನದಲ್ಲಿ ಶೇ 65ರಷ್ಟು ಹೆಚ್ಚಳವಾದಂತೆ ಆಗಿದೆ. ಷೇರು ಮಾರುಕಟ್ಟೆ ಪ್ರವೇಶದ ಸಂದರ್ಭದಲ್ಲಿ ಷೇರುಗಳಿಗೆ ಇದ್ದ ಬೆಲೆಗೆ (₹ 115) ಹೋಲಿಸಿದರೆ, ವಹಿವಾಟಿನ ಕೊನೆಯಲ್ಲಿ ಷೇರಿನ ಮೌಲ್ಯವು ಶೇಕಡ 9.43ರಷ್ಟು ಹೆಚ್ಚಳವಾದಂತಾಗಿದೆ.</p>.<p>ಒಂದು ಹಂತದಲ್ಲಿ ಕಂಪನಿಯ ಮಾರುಕಟ್ಟೆ ಮೌಲ್ಯವು ₹ 1 ಲಕ್ಷ ಕೋಟಿಯನ್ನು ದಾಟಿತ್ತು. ದಿನದ ವಹಿವಾಟಿನ ಕೊನೆಯಲ್ಲಿ ಮಾರುಕಟ್ಟೆ ಮೌಲ್ಯವು ₹ 98,731 ಕೋಟಿ ಆಗಿದೆ. ‘ನಮ್ಮ ಐಪಿಒಗೆ ಸಿಕ್ಕ ಭಾರಿ ಸ್ಪಂದನವು, ನಾವು ಮಾಡುತ್ತಿರುವ ವಿನಿಯೋಗಗಳನ್ನು ಅರ್ಥ ಮಾಡಿಕೊಳ್ಳುವಂತಹ ಹೂಡಿಕೆದಾರರು ಜಗತ್ತಿನ ಎಲ್ಲೆಡೆಯೂ ಇದ್ದಾರೆ ಎಂಬ ಭರವಸೆಯನ್ನು ನಮಗೆ ನೀಡಿದೆ’ ಎಂದು ಜೊಮ್ಯಾಟೊ ಸಂಸ್ಥಾಪಕ ಹಾಗೂ ಮುಖ್ಯ<br />ಕಾರ್ಯನಿರ್ವಹಣಾ ಅಧಿಕಾರಿ ದೀಪಿಂದರ್ ಗೋಯಲ್ ಪ್ರತಿಕ್ರಿಯೆ ನೀಡಿದ್ದಾರೆ.</p>.<p>‘ಇದು ನಮ್ಮ ಪಾಲಿಗೆ ಬಹುದೊಡ್ಡ ದಿನ. ಹೊಸ ಆರಂಭದ ದಿನ. ಆದರೆ, ದೇಶದ ಇಡೀ ಇಂಟರ್ನೆಟ್ ವ್ಯವಸ್ಥೆಯ ಪ್ರಯತ್ನಗಳ ಪರಿಣಾಮವಾಗಿ ನಾವು ಇಂದು ಈ ಮಟ್ಟಕ್ಕೆ ಬಂದಿದ್ದೇವೆ’ ಎಂದು ಅವರು ಕಂಪನಿಯ ಬ್ಲಾಗ್ನಲ್ಲಿ ಬರೆದಿದ್ದಾರೆ.</p>.<p><strong>***</strong></p>.<p>ನಾವು ಯಶಸ್ಸು ಕಾಣುತ್ತೇವೆಯೋ ಇಲ್ಲವೋ ಗೊತ್ತಿಲ್ಲ. ಆದರೆ, ಅತ್ಯುತ್ತಮವಾಗಿ ಕೆಲಸ ಮಾಡುವುದು ಖಂಡಿತ. ನಾವು ತಲುಪಿರುವ ಹಂತವು ಭಾರತದ ಲಕ್ಷಾಂತರ ಜನರಿಗೆ ದೊಡ್ಡ ಕನಸುಗಳನ್ನು ಕಾಣಲು ಸ್ಫೂರ್ತಿ ನೀಡುತ್ತದೆ.</p>.<p><strong>- ದೀಪಿಂದರ್ ಗೋಯಲ್, ಜೊಮ್ಯಾಟೊ ಸಿಇಒ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
