ನವದೆಹಲಿ: ಪಾವತಿ ಸೇವಾ ಕಂಪನಿ ಪೇಟಿಎಂ, ತನ್ನ ಷೇರುಗಳನ್ನು ಸಾರ್ವಜನಿಕರಿಗೆ ಖರೀದಿಗೆ ಮುಕ್ತವಾಗಿಸುವ (ಐಪಿಒ) ಸಂಬಂಧ ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಗೆ (ಸೆಬಿ) ಪ್ರಾಥಮಿಕ ದಾಖಲೆಗಳನ್ನು (ಡಿಆರ್‌ಎಚ್‌ಪಿ) ಸಲ್ಲಿಸಿದೆ.
ಒಟ್ಟು ₹ 16,600 ಕೋಟಿ ಬಂಡವಾಳವನ್ನು ಸಂಗ್ರಹಿಸುವ ಉದ್ದೇಶ ತನ್ನದು ಎಂದು ಕಂಪನಿಯು ಸೆಬಿಗೆ ಸಲ್ಲಿಸಿರುವ ದಾಖಲೆಗಳಲ್ಲಿ ವಿವರಿಸಿದೆ. ಈ ಬಂಡವಾಳದಲ್ಲಿ ಒಟ್ಟು ₹ 4,300 ಕೋಟಿ ಬಳಸಿ ಪೇಟಿಎಂ ಸೇವೆಗಳನ್ನು ಇನ್ನಷ್ಟು ಬಲಪಡಿಸುವ ಉದ್ದೇಶ ಕಂಪನಿಗೆ ಇದೆ. ಹೆಚ್ಚಿನ ಗ್ರಾಹಕರನ್ನು ಮತ್ತು ವರ್ತಕರನ್ನು ತನ್ನತ್ತ ಸೆಳೆದು, ಅವರಿಗೆ ತಂತ್ರಜ್ಞಾನ ಹಾಗೂ ಹಣಕಾಸು ಸೇವೆಗಳನ್ನು ಇನ್ನಷ್ಟು ನೀಡುವ ಉದ್ದೇಶವೂ ಅದಕ್ಕೆ ಇದೆ.
₹ 2,000 ಕೋಟಿ ಹಣವನ್ನು ಹೊಸ ಯೋಜನೆಗಳಿಗೆ, ಪಾಲುದಾರಿಕೆಗಳಿಗೆ ಮೀಸಲಿಡಲಿದೆ. 2019–20ರಲ್ಲಿ ಪೇಟಿಎಂ ನಷ್ಟ ₹ 2,943 ಕೋಟಿ ಆಗಿತ್ತು. 2020–21ರಲ್ಲಿ ನಷ್ಟವು ₹ 1,704 ಕೋಟಿಗೆ ತಗ್ಗಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.