ಬೆಕ್ಕು ಕುಡಿಯವುದೇ ಹಾಲನ್ನು. ಹೀಗೆಂದು ಅದು ಹಸುವನ್ನು ಸಾಕಿದೆಯೆ? ಇಲ್ಲವಲ್ಲ! ಅದು ಹೇಗಾದರೂ ಹಾಲನ್ನು ಸಂಪಾದಿಸಿಕೊಳ್ಳುತ್ತದೆ, ಅಲ್ಲವೆ? ಇಲ್ಲೊಂದು ಸಮಸ್ಯೆಯುಂಟು. ಬೆಕ್ಕಿನಂತೆ ನಾವು ಕೂಡ ನಮಗೆ ಬೇಕಾಗಿರುವ ವಸ್ತುವಿಗಾಗಿ ಅಲ್ಲಿ ಇಲ್ಲಿ ಹೊಂಚುಹಾಕಿ ಕಾಯುತ್ತ, ಸಮಯ ಸಿಕ್ಕಾಗ ಮೋಸದಿಂದ ಅದನ್ನು ಲಪಟಾಯಿಸಬೇಕೆ – ಎಂಬ ಪ್ರಶ್ನೆ ಎದುರಾಗಬಹುದು. ಆದರೆ ಇದು ಸುಭಾಷಿತವನ್ನು ವಿಪರೀತವಾಗಿ ಅರ್ಥಮಾಡಿಕೊಳ್ಳುವ ಬಗೆಯಷ್ಟೆ. ಇಲ್ಲಿ ತಾತ್ಪರ್ಯ ಇರುವುದು, ಕ್ರಿಯಾಶೀಲತೆಯ ಬಗ್ಗೆ.