ದಿನದ ಸೂಕ್ತಿ: ಸದಾ ಸುಖಿ

ಉದೇತಿ ಸವಿತಾ ತಾಮ್ರಸ್ತಾಮ್ರ ಏವಾಸ್ತಮೇತಿ ಚ ।

. ಸಂಪತ್ತೌ ಚ ವಿಪತ್ತೌ ಚ ಮಹತಾಮೇಕರೂಪತಾ ।।

. ಇದರ ತಾತ್ಪರ್ಯ ಹೀಗೆ:

. ‘ಸೂರ್ಯನು ಕೆಂಪಾಗಿಯೇ ಹುಟ್ಟುತ್ತಾನೆ; ಕೆಂಪಾಗಿಯೇ ಮುಳುಗುತ್ತಾನೆ. ಸಂಪತ್ತು ಇರಲಿ, ವಿಪತ್ತು ಬರಲಿ; ಸುಖ ಇರಲಿ, ಕಷ್ಟ ಬರಲಿ. ಮಹಾತ್ಮರ ಸ್ವರೂಪ ಮಾತ್ರ ಒಂದೇ ವಿಧದಲ್ಲಿ ಇರುತ್ತದೆ.’

. ದಿನನಿತ್ಯದ ವಿದ್ಯಮಾನವೊಂದನ್ನು ವರ್ಣಿಸುವ ಮೂಲಕ ಸುಭಾಷಿತವು ಮಹಾತ್ಮರ ವಿಶಿಷ್ಟ ಗುಣದ ಬಗ್ಗೆ ಹೇಳುತ್ತಿದೆ.

. ನಮ್ಮ ಮುಖವನ್ನು ನೋಡಿದ ಕೂಡಲೇ ನಾವು ಈಗ ಎಂಥ ಪರಿಸ್ಥಿತಿಯಲ್ಲಿದ್ದೇವೆ ಎಂದು ಇತರರಿಗೆ ಗೊತ್ತಾಗಿಬಿಡುತ್ತದೆ; ಸುಖದಲ್ಲಿ ನಮ್ಮ ಮುಖ ಅರಳಿರುತ್ತದೆ, ದುಃಖದಲ್ಲಿ ಅದು ಬಾಡಿಹೋಗಿರುತ್ತದೆ. ಆದರೆ ಮಹಾತ್ಮರು ಹೀಗೆ ಸುಖದಲ್ಲಿ ಹಿಗ್ಗುವುದೂ ಇಲ್ಲ, ದುಃಖದಲ್ಲಿ ಕುಗ್ಗುವುದೂ ಇಲ್ಲ. ಇದನ್ನೇ ಸುಭಾಷಿತ ಹೇಳುತ್ತಿರುವುದು.

. ಸೂರ್ಯನು ದಿನವೂ ಪೂರ್ವದಲ್ಲಿ ಹುಟ್ಟುತ್ತಾನೆ, ಪಶ್ಚಿಮದಲ್ಲಿ ಮುಳುಗುತ್ತಾನೆ. ಇದು ನಮಗೆ ಪ್ರತ್ಯಕ್ಷವಾಗಿರುವ ಸಂಗತಿ. ನಾವೆಲ್ಲರೂ ಜನ್ಮವನ್ನು, ಎಂದರೆ ಹುಟ್ಟನ್ನು ಸಂತೋಷದಿಂದ ಬರಮಾಡಿಕೊಳ್ಳುತ್ತೇವೆ. ಆದರೆ ಅವಸಾನವನ್ನು, ಎಂದರೆ ಮುಳುಗುವುದನ್ನು ನೆನಸಿಕೊಂಡರೂ ಸಾಕು ಹೆದರುತ್ತೇವೆ, ಕಂಗಾಲಾಗುತ್ತೇವೆ. ಹುಟ್ಟುವುದು ಏಳಿಗೆಯನ್ನು ಸೂಚಿಸುತ್ತದೆ; ಮುಳುಗುವುದು ಅವನತಿಯನ್ನು ಸೂಚಿಸುತ್ತದೆ. ನಾವೀಗ ಲಾಭದ ಪಥದಲ್ಲಿದ್ದೇವೋ ಅಥವಾ ನಷ್ಟದ ದಾರಿಯಲ್ಲಿದ್ದೇವೋ ಎಂದು ನಾವೇನೂ ಯಾರಿಗೂ ಬಾಯಿಬಿಟ್ಟು ಹೇಳಬೇಕಾಗಿರುವುದಿಲ್ಲ; ನಮ್ಮ ಮುಖ, ಮಾತು, ನಡಿಗೆ – ಹೀಗೆ ನಮ್ಮ ನಡೆ–ನುಡಿಗಳೇ ಈ ಸಂಗತಿಗಳನ್ನು ಜಗತ್ತಿಗೆ ಸಾರುತ್ತಿರುತ್ತದೆ. ಆದರೆ ಸೂರ್ಯನನ್ನು ಗಮನಿಸಿ: ಅವನು ಹುಟ್ಟುವಾಗಲೂ ಕೆಂಪಾಗಿರುತ್ತಾನೆ, ಮುಳುಗುವಾಗಲೂ ಕೆಂಪಾಗಿಯೇ ಇರುತ್ತಾನೆ. ಎಂದರೆ ಅವನು ಹುಟ್ಟನ್ನೂ ಅವಸಾನವನ್ನೂ, ಲಾಭವನ್ನೂ ನಷ್ಟವನ್ನೂ, ಸುಖವನ್ನೂ ಕಷ್ಟವನ್ನೂ ಒಂದೇ ರೀತಿಯಲ್ಲಿ ಸ್ವೀಕರಿಸುತ್ತಿದ್ದಾನೆ; ಅವನು ಹಿಗ್ಗಿನಲ್ಲೂ ಕುಗ್ಗಿನಲ್ಲೂ ಒಂದೇ ರೀತಿಯಲ್ಲಿರುತ್ತಾನೆ. ಸುಭಾಷಿತ ಹೇಳುತ್ತಿದೆ: ಇದೇ ಮಹಾತ್ಮರ ಗುಣ.

. ಸುಖದಲ್ಲೂ ದುಃಖದಲ್ಲೂ ನಾವು ಒಂದೇ ವಿಧದಲ್ಲಿ ಇರುವುದು ಸುಲಭವಲ್ಲ, ಹೌದು. ಅದಕ್ಕೆ ಸಾಕಷ್ಟು ಸಾಧನೆ ಬೇಕು; ಮಾನಸಿಕ ಸಿದ್ಧತೆ ಬೇಕು, ದಿಟ. ಆದರೆ ನಾವು ಅದನ್ನು ರೂಢಿಸಿಕೊಂಡರೆ ಜೀವನವು ಸದಾ ಸುಂದರವಾಗಿಯೇ ಕಾಣುತ್ತಿರುತ್ತದೆ; ಇದರಲ್ಲಿ ಅನುಮಾನ ಇಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಸದಾ ಸುಖಿ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು