ದಿನದ ಸೂಕ್ತಿ: ಎಚ್ಚರ ಇದ್ದರೆ ಭಯ ಇಲ್ಲ

ಪಠತೋ ನಾಸ್ತಿ ಮೂರ್ಖತ್ವಂ ಜಪತೋ ನಾಸ್ತಿ ಪಾತಕಮ್ ।

. ಮೌನಿನಃ ಕಲಹೋ ನಾಸ್ತಿ ನ ಭಯಂ ಚಾಸ್ತಿ ಜಾಗ್ರತಃ ।।

. ಇದರ ತಾತ್ಪರ್ಯ ಹೀಗೆ:

. ‘ಓದುವವನಿಗೆ ದಡ್ಡತನ ಇರುವುದಿಲ್ಲ; ಜಪ ಮಾಡುವವನಿಗೆ ಪಾಪ ಇರುವುದಿಲ್ಲ; ಮೌನವಾಗಿರುವವನಿಗೆ ಜಗಳದ ಭಯ ಇರುವುದಿಲ್ಲ; ಸದಾ ಎಚ್ಚರವಾಗಿರುವವನಿಗೆ ಯಾವುದರಿಂದಲೂ ಭಯ ಇರುವುದಿಲ್ಲ.’

. ನಮ್ಮಲ್ಲಿ ಎಷ್ಟೋ ದೋಷಗಳು ಇರುತ್ತವೆ; ಕೆಲವೊಂದು ಹುಟ್ಟಿನಿಂದಲೇ ಇರುತ್ತವೆ, ಕೆಲವೊಂದು ಆಮೇಲೆ ಸೇರಿಕೊಳ್ಳುತ್ತವೆ. ಆದರೆ ಎಷ್ಟೋ ದೋಷಗಳಿಗೆ ಪರಿಹಾರದ ದಾರಿಯೂ ಇರುತ್ತದೆ. ಅದನ್ನು ನಾವು ಕಂಡುಕೊಳ್ಳಬೇಕು. ಆ ದಾರಿಯಲ್ಲಿ ನಡೆಯಬೇಕು. ಆಗ ದೋಷದಿಂದ ನಾವು ಮುಕ್ತರಾಗಬಹುದು.

. ಸುಭಾಷಿತ ಅಂಥ ಕೆಲವೊಂದು ಪರಿಹಾರದ ದಾರಿಗಳನ್ನು ಸೂಚಿಸಿದೆ.

. ನಾವು ಎಲ್ಲರೂ ಹುಟ್ಟಿನಿಂದ ದಡ್ಡರೇ. ಈ ದಡ್ಡತನನ್ನು ಹೋಗಾಲಾಡಿಸಿಕೊಳ್ಳಲು ಇರುವ ದಾರಿ ಎಂದರೆ ಓದು. ಈ ಓದಿನ ಆಯ್ಕೆಯಲ್ಲೂ ಜಾಣತನ ಇರಬೇಕು. ಕೇವಲ ನಮಗೆ ಇಷ್ಟವಾದುದುನ್ನು ಮಾತ್ರವೇ ಓದುವುದಲ್ಲ; ನಮ್ಮ ಅಭಿಪ್ರಾಯಗಳಿಗೆ ವಿರುದ್ಧವಾಗಿರುವುದನ್ನೂ ಓದಬೇಕು. ಆಗ ಎರಡೂ ಅಭಿಪ್ರಾಯಗಳ ನಡುವೆ ಮಂಥನ ನಡೆದು, ನಾವು ಸರಿಯಾದ ನಿರ್ಧಾರಕ್ಕೆ ಬರಲು ಸಾಧ್ಯವಾಗುತ್ತದೆ.

. ನಮ್ಮಿಂದ ಎಷ್ಟೋ ಅಧಾರ್ಮಿಕ ಕ್ರಿಯೆಗಳು ನಡೆಯುತ್ತಿರುತ್ತವೆ. ಅವುಗಳಿಂದ ಪಾಪವೂ ಉಂಟಾಗುತ್ತಿರುತ್ತದೆ. ಭಗವಂತನನ್ನು ಕುರಿತ ಜಪಸಾಧನೆಯೇ ನಮ್ಮ ಎಲ್ಲ ಪಾಪಗಳನ್ನು ಹೋಗಲಾಡಿಸುತ್ತದೆ ಎನ್ನುವುದು ಶಾಸ್ತ್ರಗಳ ಮಾತು.

. ಜಗಳದ ಮೂಲ ಎಲ್ಲಿರುತ್ತದೆ? ನಮ್ಮ ಮಾತಿನಲ್ಲಿಯೇ ಹೌದು. ನಾವಾಡುವ ಮಾತುಗಳೇ ಜಗಳಕ್ಕೆ ಕಾರಣ ಎನ್ನುವುದು ಸ್ಪಷ್ಟ. ಎಷ್ಟೋ ಸಂದರ್ಭಗಳಲ್ಲಿ ಮೌನವಾಗಿದ್ದರೆ ಆಗ ಜಗಳದ ಪ್ರಸಕ್ತಿಯೇ ಉಂಟಾಗುವುದಿಲ್ಲ. ಯಾವಾಗ ಮಾತನಾಡಬೇಕು, ಯಾವಾಗ ಮೌನವಾಗಿರಬೇಕು ಎಂಬ ಅರಿವು ತುಂಬ ಮುಖ್ಯ.

. ಸುಭಾಷಿತ ಹೇಳಿರುವ ಕೊನೆಯ ಮಾತು ತುಂಬ ಸ್ವಾರಸ್ಯಕರವಾಗಿದೆ. ನಾವು ಸದಾ ಎಚ್ಚರವಾಗಿದ್ದರೆ ಆಗ ಯಾವುದರಿಂದಲೂ ಭಯವೇ ಎದುರಾಗದು. ಎಂದರೆ ನಾವು ಮಾಡುವ ಪ್ರತಿ ಕೆಲಸವನ್ನೂ ತುಂಬ ಎಚ್ಚರಿಕೆಯಿಂದ, ಮೈಯೆಲ್ಲ ಕಣ್ಣಾಗಿಸಿಕೊಂಡು, ಮಾಡಬೇಕು. ಈ ಕೆಲಸ ಮಾಡುವುದರಿಂದ ಹೀಗೆಲ್ಲ ಆಗಬಹುದು – ಎಂಬ ಎಚ್ಚರಿಕೆ ನಮ್ಮ ಕೆಲಸವನ್ನು ಸರಿಯಾಗಿ ಮೌಲ್ಯಮಾಪನ ಮಾಡುತ್ತದೆ. ಆಗ ನಾವು ಮುಂದೆ ಎದುರಾಗಬಹುದುದಾದ ತೊಂದರೆಯಿಂದ ಹೆದರುವ ಆವಶ್ಯಕತೆಯೇ ಉಂಟಾಗದು.

. ಸದಾ ಎಚ್ಚರವಾಗಿರೋಣ; ಭಯದಿಂದ ಮುಕ್ತರಾಗೋಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಎಚ್ಚರ ಇದ್ದರೆ ಭಯ ಇಲ್ಲ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ದಿನದಾಟದ ಆರಂಭದಲ್ಲೇ ಆಘಾತ

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ