ದಿನದಸೂಕ್ತಿ | ಸ್ನೇಹದ ಜಿಡ್ಡು

ದುಗ್ಧಂ ಪಯಸ್ತದಪಿ ಚ ಕ್ವಥಿತಂ ತದೇವ ಮಾಧುರ್ಯಮಪ್ಯಪಹೃತಂ ಮಥಿತಂ ಚ ವೇಗಾತ್ । ದಗ್ಧಃ ಪುನರ್ಘೃತಕೃತೇ ನವನೀತಪಿಂಡಃ ಸ್ನೇಹಸ್ತು ಕಾರಣಮನರ್ಥಪರಂಪರಾಯಾಃ ।।

. ಇದರ ತಾತ್ಪರ್ಯ ಹೀಗೆ:

. ‘ಹಾಲಿನಿಂದ ತುಪ್ಪವನ್ನು ಪಡೆಯಬೇಕಾದರೆ, ಮೊದಲು ಹಸುವಿನ ಕೆಚ್ಚಲಿನಿಂದ ಹಾಲನ್ನು ಕರೆದು, ಬಳಿಕ ಅದನ್ನು ಕಾಯಿಸಿ, ಅದರ ಮಾಧುರ್ಯವನ್ನು ಕಳೆದು, ಹುಳಿಯಾದ ಮೊಸರನ್ನಾಗಿಸಿ, ಅದನ್ನು ಕಡೆಗೋಲಿನಿಂದ ವೇಗವಾಗಿ ಕಡೆಯಬೇಕು. ಆಮೇಲೆ ಬೆಣ್ಣೆಯ ಮುದ್ದೆಯನ್ನು ಮತ್ತೆ ಕಾಯಿಸಬೇಕು. ಇಷ್ಟು ಶ್ರಮಪಟ್ಟರೆ ಮಾತ್ರ ’ಸ್ನೇಹ’ ದೊರಕುತ್ತದೆ.’

. ಇಲ್ಲೊಂದು ಸ್ವಾರಸ್ಯವುಂಟು. ಸ್ನೇಹ – ಎಂದರೆ ಜಿಡ್ಡು ಎಂದೂ ಅರ್ಥವಿದೆ; ಮಿತ್ರತ್ವ ಎಂದೂ ಅರ್ಥವಿದೆ. ಇಲ್ಲಿ ಜಿಡ್ಡು ಎಂದರೆ ತುಪ್ಪ ಎಂದು ಅರ್ಥ. ಸ್ನೇಹವನ್ನು ಸಂಪಾದಿಸುವುದು ಎಷ್ಟು ಕಷ್ಟ – ಎಂಬುದನ್ನು ಸುಭಾಷಿತ ತುಪ್ಪದ ನೆಪದಲ್ಲಿ ಹೇಳುತ್ತಿದೆ.

. ತುಪ್ಪವನ್ನು ಪಡೆಯುವುದು ಸುಲಭವಲ್ಲ. ಅದನ್ನು ಸುಭಾಷಿತ ವಿವರವಾಗಿಯೇ ಹೇಳಿದೆ. ನಮ್ಮ ಇಂದಿನ ನಗರಪ್ರದೇಶಗಳಲ್ಲಿರುವ ಹಲವರು ಮಕ್ಕಳಿಗೆ ತುಪ್ಪ ಹೇಗೆ ಸಿಗುತ್ತದೆ ಎಂಬ ಮಾಹಿತಿಯೇ ಇಲ್ಲದಿರಬಹುದು. ಆಧುನಿಕತೆ ಇಂಥ ಹಲವು ಸಂಗತಿಗಳ ಬಗ್ಗೆ ಅರಿವೇ ಇರುವುದಿಲ್ಲ ಎಂಬುದು ವಾಸ್ತವ.

. ಸ್ನೇಹವನ್ನು ಸಂಪಾದಿಸುವುದೂ ಸುಲಭವಲ್ಲ. ನಿಜವಾದ ಸ್ನೇಹಿತರನ್ನು ಪಡೆದವರಿಗೆ ಈ ಶ್ರಮದ ಬಗ್ಗೆ ಅರಿವು ಇರುತ್ತದೆ. ಮಾತ್ರವಲ್ಲ, ಅಂಥವರು ಮಾತ್ರವೇ ಸ್ನೇಹವನ್ನು ಉಳಿಸಿಕೊಳ್ಳಲೂ ತವಕಿಸುತ್ತಿರುತ್ತಾರೆ.

. ಸ್ನೇಹ ಎಲ್ಲರಿಗೂ ಸುಲಭವಾಗಿ ದಕ್ಕುವಂಥದ್ದಲ್ಲ. ಅದೊಂದು ಹೊಣೆಗಾರಿಕೆ; ಸುಂದರಭಾವ; ಜೀವನಕ್ಕೆ ದಕ್ಕುವ ನಿಧಿ. ಯಾವುದೋ ಸ್ವಾರ್ಥದ ಉದ್ದೇಶದಿಂದ ನಮಗೆ ಹಲವರ ಪರಿಚಯ ಆಗುತ್ತದೆ. ಆದರೆ ಈ ಪರಿಚಯವನ್ನೇ ಸ್ನೇಹ ಎಂದು ಹೇಳಲು ಆಗದು. ಸ್ನೇಹದಲ್ಲಿ ಪರಸ್ಪರ ಗೌರವ, ಪ್ರೀತಿ, ಕಾಳಜಿ, ಸರಸತೆ – ಇಂಥ ಹಲವು ಗುಣಗಳು ಸೇರಿಕೊಂಡಿರುತ್ತವೆ.

. ಸ್ನೇಹ ಕೇವಲ ಗಂಡು–ಗಂಡು ಅಥವಾ ಹೆಣ್ಣು–ಹೆಣ್ಣು – ಇಂಥ ಸಮೀಕರಣದಲ್ಲೇ ಆಗಬೇಕೆಂದೇನಿಲ್ಲ. ಗಂಡು ಮತ್ತು ಹೆಣ್ಣಿನ ನಡುವೆಯೂ ಒಳ್ಳೆಯ ಸ್ನೇಹ ಏರ್ಪಡಬಹುದು. ನಿಜವಾದ ಸ್ನೇಹದಲ್ಲಿ ಆಸ್ತಿ–ಅಂತಸ್ತುಗಳ ಕೈವಾಡವೂ ಇರುವುದಿಲ್ಲ; ವಿದ್ಯೆ–ಅಧಿಕಾರಗಳ ನಿರ್ಬಂಧವೂ ಇರುವುದಿಲ್ಲ. ಎರಡು ಒಳ್ಳೆಯ ಮನಸ್ಸುಗಳು ಸೇರುವುದೇ ಸ್ನೇಹತೀರ್ಥದ ಉಗಮಸ್ಥಾನ.

. ಒಳ್ಳೆಯ ಸ್ನೇಹವನ್ನು ಸಂಪಾದಿಸೋಣ; ಒಳ್ಳೆಯ ಸ್ನೇಹಿತರಾಗಿಯೂ ಇರೋಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದಸೂಕ್ತಿ | ಸ್ನೇಹದ ಜಿಡ್ಡು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್