ತೇರದಾಳ ನಗರದ 12 ಮತ್ತು ಸಸಾಲಟ್ಟಿ, ಗೊಲಭಾವಿ, ಕಾಲತಿಪ್ಪಿ, ಹನಗಂಡಿ, ಯರಗಟ್ಟಿ, ಹಳಿಂಗಳಿ, ತಮದಡ್ಡಿ ಹೀಗೆ ಏಳು ಗ್ರಾಮಗಳಲ್ಲಿನ 35 ಸೇರಿದಂತೆ ಒಟ್ಟು 47 ಜನ ಆಶಾ ಕಾರ್ಯಕರ್ತೆಯರು 24X7ದಂತೆ ಕೆಲಸ ಮಾಡಿ ಪ್ರಜ್ಞಾವಂತರಿಂದ ಸೈ ಎನಿಸಿಕೊಂಡಿದ್ದಾರೆ.
ಸಸಾಲಟ್ಟಿ ಗ್ರಾಮದಲ್ಲಿ ಬೆಂಗಳೂರು, ಧಾರವಾಡ-ಹುಬ್ಬಳ್ಳಿ, ಬೆಳಗಾವಿ, ವಿಜಯಪುರ, ಮಹಾರಾಷ್ಟ್ರದ ಸಾತಾರಾ, ಪುಣೆ, ಸಾಂಗಲಿ ಸೇರಿದಂತೆ ವಿವಿಧೆಡೆಯಿಂದ ಇನ್ನೂರಕ್ಕೂ ಹೆಚ್ಚು ಜನರು ಬಂದಿದ್ದಾರೆ. ಅವರೆಲ್ಲರೂ ಹೋಮ್ ಕ್ವಾರಂಟೈನ್ನಲ್ಲಿ ಇದ್ದಾರೆ. ಅವರಾರು ಮನೆಯಿಂದ ಹೊರಬರದಂತೆ ಆಶಾ ಕಾರ್ಯಕರ್ತೆಯರು ನೋಡಿಕೊಳ್ಳುತ್ತಿದ್ದಾರೆ.