ರಾಮಲಿಂಗೇಶ್ವರ ರಥ ಎಳೆದು ಪುನೀತರಾದ ಭಕ್ತರು

ಪಟ್ಟಣದ ಅಗಸಿ ಬಳಿ ರಥ ಸಾಗಿ ಬರುತ್ತಿದ್ದಂತೆ ಇಕ್ಕೆಲಗಳಲ್ಲಿ ಹಾಗೂ ಮನೆಗಳ ಚಾವಣಿಯಲ್ಲಿ ನಿಂತಿದ್ದ ಜನ ಉತ್ತತ್ತಿ, ಹಣ್ಣು, ಹೂವು ಎಸೆದು ರಾಮಲಿಂಗೇಶ್ವರ ಮಹಾರಾಜ ಕೀ ಜೈ.. ಘೋಷಣೆ ಹಾಕಿ ಭಕ್ತಿ ಸಮರ್ಪಿಸಿದರು. ಸಾವಿರಾರು ಭಕ್ತರು ಪಾಲ್ಗೊಂಡರು. ಜಿಟಿ ಜಿಟಿ ಮಳೆಯಲ್ಲಿಯೇ ರಥ ಎಳೆಯಲಾಯಿತು.

ಬೆಳಿಗ್ಗೆ ರಾಮಲಿಂಗದೇವರಿಗೆ ರುದ್ರಾಭಿಷೇಕ, ಪೂಜಾ ಕೈಂಕರ್ಯಗಳು ನಡೆದವು. ಭಕ್ತರು ನೈವೇದ್ಯ ಸಮರ್ಪಿಸಿದರು. ರಾತ್ರಿ ವಾದ್ಯ ಮೇಳದೊಂದಿಗೆ ನಂದಿಧ್ವಜ ಮೆರವಣಿಗೆ ನಡೆಯಿತು. ಮಹಿಳೆಯರು ಕಳಸಾರತಿ ಹಿಡಿದು ಭಾಗವಹಿಸಿದ್ದರು.