ಭಯ, ಆತಂಕ: ‘ಮಳೆ ಬಂದರೆ, ಜೋರಾಗಿ ಗಾಳಿ ಬೀಸಿದರೆ ಶೀಟುಗಳು ಮೈಮೇಲೆ ಬೀಳುವ ಭಯ ಮತ್ತು ಆತಂಕದಲ್ಲೆ ಮಕ್ಕಳ ಉಸ್ತುವಾರಿ ಹೊತ್ತಿದ್ದೇನೆ. ಬಿಸಿಲು ತೀವ್ರವಾದರೆ ಅಂಗನವಾಡಿ ಒಳಗೂ ತಾಪ ಹೆಚ್ಚಿ ಮಕ್ಕಳು ಬೆವರಿ ಸುಸ್ತಾಗುತ್ತಾರೆ’ ಎಂದು ಅಂಗನವಾಡಿ ಕಾರ್ಯಕರ್ತೆ ಲಕ್ಷ್ಮಿ ಅಸಹಾಯಕತೆ ವ್ಯಕ್ತಪಡಿಸಿದರು. ‘ಹಲವು ಬಾರಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ದಿ ಇಲಾಖೆಗೆ. ಪಂಚಾಯಿತಿಗೆ ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ’ ಎಂದು ಅವರು ’ಪ್ರಜಾವಾಣಿ’ಗೆ ತಿಳಿಸಿದರು.