ಬಳ್ಳಾರಿ | ಮೆಟ್ರಿ ಗ್ರಾಮದಲ್ಲಿ ಪಿಕೆಪಿಎಸ್ ಆರಂಭಕ್ಕೆ ನಿರ್ಣಯ

ಸಂಘದ ಉಳಿತಾಯದ ಲಾಭಾಂಶದಲ್ಲಿ ಹೊಸ ಸಹಕಾರ ಸಂಘ ಸ್ಥಾಪನೆಗೆ ಆರ್ಥಿಕ ನೆರವು ಒದಗಿಸಲು ತೀರ್ಮಾನಿಸಲಾಯಿತು.

ಬಳಿಕ ಸಂಘದ ಮುಖ್ಯ ಕಾರ್ಯನಿರ್ವಾಹಕ ಎನ್.ಬಾಲಪ್ಪ ಮಾತನಾಡಿ, ಸರ್ಕಾರದ ಆದೇಶದಂತೆ ಮೆಟ್ರಿಯಲ್ಲಿ ಸಂಘ ಸ್ಥಾಪನೆಗೆ ಅವಕಾಶ ಮಾಡಿಕೊಡಲಾಗಿದೆ. ಸಂಘದಲ್ಲಿ 3,366 ಸದಸ್ಯರಿದ್ದು, ₹ 1,01,03,442 ಷೇರು ಬಂಡವಾಳ ಹೊಂದಿದೆ. ₹ 47.07ಲಕ್ಷ ಠೇವಣಿ ಇದ್ದು, ₹ 9.25 ಲಕ್ಷ ಕೃಷಿಯೇತರ ಸಾಲ, 715 ಸದಸ್ಯರಿಗೆ ಕೆಸಿಸಿ ಸಾಲ ₹ 5,46,45,000, ₹ 58.50 ಲಕ್ಷ ಮಧ್ಯಮಾವಧಿ ಸಾಲ, ₹ 19.20ಲಕ್ಷ ಎಸ್‍ಎಚ್‍ಜಿ ಸಾಲ ಸೇರಿ ₹ 6,24,15,006 ಸಾಲ ವಿತರಿಸಿದೆ. ₹ 1,47,88,000 ರಸಗೊಬ್ಬರ ಮಾರಾಟ ಮಾಡಿದ್ದು, ₹ 15.21ಲಕ್ಷ ನಿವ್ವಳ ಲಾಭಗಳಿಸಿದೆ ಎಂದು ವಿವರಿಸಿದರು.

ಅಧ್ಯಕ್ಷ ಗೊಲ್ಲರ ಜಂಬಯ್ಯ, ಉಪಾಧ್ಯಕ್ಷ ಗೌಡ್ರು ನಾಗರಾಜ, ನಿರ್ದೇಶಕರಾದ ಕುರಿ ಕರಿಬಸಪ್ಪ, ಕುರುಬರ ಅಂಜಿನಪ್ಪ, ದೇವರಮನೆ ಯಲ್ಲಪ್ಪ, ವಡ್ಡರ ಜಡೆಪ್ಪ, ಪಿ. ಶಿವರಾಮ, ಸಂಗಟಿ ಮಾರೇಶ, ಎಸ್.ಕೆ. ಬಸವರಾಜ, ಗೌಡ್ರು ಅಂಬಮ್ಮ, ಕುಂಬಾರ ಈರಮ್ಮ, ತಳವಾರ ವೀರೇಶ, ಪಿ. ಶೇಖಅಹ್ಮದ್, ಸದಸ್ಯರು ಹಾಜರಿದ್ದರು.