ಕಂಪ್ಲಿ | ತುಂಗಭದ್ರಾ ನೆರೆ: ಬೇಸಾಯ, ಮೀನುಗಾರಿಕೆಗೆ ಬರೆ

ಕಂಪ್ಲಿ: ತುಂಗಭದ್ರಾ ನದಿ ಪ್ರವಾಹದಿಂದ ಕೃಷಿಕರು ಮತ್ತು ಮೀನುಗಾರರು ಆರ್ಥಿಕ ಸಂಕಷ್ಟ ಎದುರಿಸುವಂತಾಗಿದೆ.

. ಕಳೆದ ತಿಂಗಳ ಪ್ರವಾಹದಿಂದ 10 ದಿನ ತೊಂದರೆ ಆಗುರುವುದನ್ನು ಮರೆಯುವ ಮುನ್ನವೇ ಮತ್ತೆ ಮೂರು ದಿನದಿಂದ ನದಿ ಮೈದುಂಬಿ ಹರಿಯುತ್ತಿದೆ. ಅದರಿಂದ ತಾಲ್ಲೂಕು ಆಡಳಿತ ನದಿಯಲ್ಲಿ ಮೀನು ಬೇಟೆ ನಿಷೇಧಿಸಿದೆ. ಈ ಕಾರಣದಿಂದ ಕಂಪ್ಲಿ ಕೋಟೆ ಪ್ರದೇಶದ 60ಕ್ಕು ಹೆಚ್ಚು ಮೀನುಗಾರ ಕುಟುಂಬಗಳು ನದಿಯಲ್ಲಿ ಮೀನು ಬೇಟೆ ಇಲ್ಲದೇ ಕೈಚೆಲ್ಲಿ ಕುಳಿತಿದ್ದಾರೆ. ಅದೇ ರೀತಿ ನದಿ ಪಾತ್ರದ ರೈತರು ತಮ್ಮ ಪಂಪ್ಸೆಟ್ಗಳನ್ನು ಕೊಠಡಿಯಿಂದ ಎರಡನೇ ಬಾರಿ ದಂಡೆಗೆ ಸ್ಥಳಾಂತರಿಸಿದ್ದಾರೆ.

. ‘ಮೀನು ಬೇಟೆಯಿಂದ ಹೊಟ್ಟೆ ಹೊರೆಯುವ ನಾವು ಪ್ರವಾಹ ಬಂದಾಗಲೆಲ್ಲ ಕಠಿಣ ಪರಿಸ್ಥಿತಿ ಎದುರಿಸುವಂತಾಗಿದೆ. ಈ ಸಂದರ್ಭದಲ್ಲಿ ದೈನಂದಿನ ಜೀವನಕ್ಕೆ ಆಪತ್ತು ಎದುರಾದರೆ ಸ್ವಸಹಾಯ ಸಂಘದಲ್ಲಿ ಪಡೆದ ಸಾಲ ಪಾವತಿಗೂ ಪೆಟ್ಟಾಗುತ್ತದೆ’ ಎಂದು ಮೀನುಗಾರ ಕುಟುಂಬದ ಮಹಿಳೆಯರು ಅಳಲು ವ್ಯಕ್ತಪಡಿಸಿದರು.

. ಕಂಪ್ಲಿ ಮೀನುಗಾರರ ಸಹಕಾರ ಸಂಘದ ಅಧ್ಯಕ್ಷ ಎಂ. ರಾಜಶೇಖರ್ ಮಾತನಾಡಿ, ‘ಮೇಲಿಂದ ಮೇಲೆ ನದಿ ನೆರೆ ಎದುರಾಗಿರುವುದರಿಂದ ಮೀನುಗಾರ ಕುಟುಂಬಗಳ ಬದುಕು ದುಸ್ತರ ಸಾಮಾನ್ಯ. ಇಂಥ ಸಂದರ್ಭದಲ್ಲಿ ಸರ್ಕಾರ ಪ್ರವಾಹ ಇಳಿಮುಖವಾಗುವವರೆಗೆ ಕನಿಷ್ಠ ದಿನಸಿ ಕಿಟ್ ವ್ಯವಸ್ಥೆ ಮಾಡುವಂತೆ’ ಆಗ್ರಹಿಸಿದರು.

. ‘ಒಂದು ವೇಳೆ ಕಾಳಜಿ ಕೇಂದ್ರ ತೆರೆಯುವುದಾದರೆ ಮೀನುಗಾರರ ಕಾಲೊನಿಯಲ್ಲಿಯೇ ವ್ಯವಸ್ಥೆ ಮಾಡವಂತೆಯೂ’ ಮನವಿ ಮಾಡಿದರು.

. ‘ನದಿಯಲ್ಲಿ ಮೀನುಗಾರಿಕೆ ಸದ್ಯ ನಿಷೇಧಿಸಿರುವುದರಿಂದ ತಾಲ್ಲೂಕಿನ ವಿವಿಧೆಡೆ ಇರುವ ಖಾಸಗಿ ಕೆರೆಗಳಿಂದ ಮೀನು ಖರೀದಿಸಿ ಕೆಲವರು ತಾತ್ಕಾಲಿಕ ವ್ಯಾಪಾರ ಮಾಡಿ ಹೊಟ್ಟೆ ಹೊರೆಯುತ್ತಿದ್ದಾರೆ’ ಎಂದರು.

. ಪಂಪ್ಸೆಟ್ ರೈತರ ಸಂಕಷ್ಟ: ತಾಲ್ಲೂಕಿನ ನಂ.1 ಇಟಗಿ ಗ್ರಾಮ ಬಳಿಯ ಶಂಕರಾಚಾರಿ ಮಡುವು ಬಳಿಯ ಪಂಪ್ಸೆಟ್ ಕೊಠಡಿಗಳು, ಕೆಲ ಪಂಪ್ಸೆಟ್ಗಳು ನದಿ ಪ್ರವಾಹದಿಂದ ಮುಳುಗಿವೆ. ಕೆಲ ರೈತರು ಮಾತ್ರ ಮುಂಜಾಗ್ರತೆಯಾಗಿ ಪಂಪ್ಸೆಟ್ಗಳನ್ನು ಸ್ಥಳಾಂತರಿಸಿದ್ದಾರೆ.

. ಶಂಕರಾಚಾರಿ ಮಡುವು ಪ್ರದೇಶದಲ್ಲಿ ಸುಮಾರು 350 ಪಂಪ್ಸೆಟ್ಗಳಿವೆ. ನದಿಗೆ ಪ್ರವಾಹ ಬಂದಾಗೆಲ್ಲ ಪಂಪ್ಸೆಟ್ ಸ್ಥಳಾಂತರಿಸಲು ಮೆಕಾನಿಕ್ಗೆ ₹300, ಪ್ರವಾಹ ಇಳಿಮುಖವಾದ ಬಳಿಕ ಮತ್ತೆ ಜೋಡಿಸಲು ₹300 ಭರಿಸಬೇಕು. ಒಂದು ವೇಳೆ ಪಂಪ್ಸೆಟ್ ಪ್ರವಾಹಕ್ಕೆ ಸಿಲುಕಿ ಹಾಳಾದಲ್ಲಿ ದುರಸ್ತಿ ಮಾಡಿ ಜೋಡಿಸಲು ₹900 ಹೊಂದಿಸಬೇಕಾಗುತ್ತದೆ ಎಂದು ನದಿ ಪಾತ್ರದ ರೈತರು ಬೇಸರದಿಂದ ತಿಳಿಸಿದರು.

. ‘ತಿಂಗಳಲ್ಲಿ ಎರಡು ಬಾರಿ ಈ ಸಮಸ್ಯೆ ಈಗಾಗಲೆ ಎದುರಾಗಿದ್ದು, ಕೃಷಿ ವೆಚ್ಚದ ಜೊತೆಗೆ ಪಂಪ್ಸೆಟ್ ಖರ್ಚು ನಿಭಾಯಿಸುವುದು ಹೊರೆಯಾಗಿದೆ’ ಎಂದು ಇಟಗಿ ಗ್ರಾಮ ರೈತ ಕುರುಬರ ವೀರೇಶ್ ಅಸಮಾಧಾನದಿಂದ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಂಪ್ಲಿ | ತುಂಗಭದ್ರಾ ನೆರೆ: ಬೇಸಾಯ, ಮೀನುಗಾರಿಕೆಗೆ ಬರೆ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 20 ಬುಧವಾರ 2025

ತಿರುಪತಿ ವೆಂಕಟೇಶ್ವರ ಸ್ವಾಮಿ ದೇಗುಲಕ್ಕೆ 121 KG ಚಿನ್ನ ಕಾಣಿಕೆ ನೀಡಿದ ಉದ್ಯಮಿ

ಚುರುಮುರಿ: ಕಳವು ಕಳವಳ..

OTTಯಲ್ಲಿ ಈ ವಾರ ಯಾವೆಲ್ಲಾ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ? ಇಲ್ಲಿದೆ ಮಾಹಿತಿ

ಟಿ–ಶರ್ಟ್ ಬರಹ: ಕ್ರಿಕೆಟಿಗ ಚಾಹಲ್‌ ನಡೆ ಬಗ್ಗೆ ಧನಶ್ರಿ ವರ್ಮಾ ಬೇಸರ

ಭಾರತ-ಪಾಕ್ ಪಂದ್ಯ | ರಾಷ್ಟ್ರೀಯ ಹಿತಾಸಕ್ತಿಗಿಂತ BCCI ಮಿಗಿಲೇ?: ಆದಿತ್ಯ ಠಾಕ್ರೆ

Sports Bill: ಕ್ರೀಡಾ ಕಾಯ್ದೆಗೆ ರಾಷ್ಟ್ರಪತಿ ಅಂಕಿತ

ಮಹಾರಾಜ ಟ್ರೋಫಿ: ಕಡೇ ಎಸೆತದಲ್ಲಿ ದುಬೆ ಗೆಲುವಿನ ಸಿಕ್ಸರ್‌

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 20 ಬುಧವಾರ 2025

ತಿರುಪತಿ ವೆಂಕಟೇಶ್ವರ ಸ್ವಾಮಿ ದೇಗುಲಕ್ಕೆ 121 KG ಚಿನ್ನ ಕಾಣಿಕೆ ನೀಡಿದ ಉದ್ಯಮಿ

ಚುರುಮುರಿ: ಕಳವು ಕಳವಳ..

OTTಯಲ್ಲಿ ಈ ವಾರ ಯಾವೆಲ್ಲಾ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ? ಇಲ್ಲಿದೆ ಮಾಹಿತಿ