ಆನೇಕಲ್ | ಚರಂಡಿಯಂತಾದ ಜೀವನಾಡಿ: ಹೊಸಹಳ್ಳಿ ಕೆರೆ ಅಸ್ತಿತ್ವಕ್ಕೆ ಕುತ್ತು

ಹಾಳಾಗಿರುವ ಕೆರೆಯ ಅಂದವನ್ನು ಮತ್ತಷ್ಟು ಹಾಳು ಮಾಡಲು ಕಾದಿರುವ ಜನರು ಸುತ್ತಮುತ್ತಲಿನ ಕಸವನ್ನು ತಂದು ಕೆರೆಯ ಏರಿಯ ಮೇಲೆ ಹಾಕುತ್ತಿದ್ದಾರೆ. ಕಟ್ಟಡ ತ್ಯಾಜ್ಯವನ್ನು ಕೆರೆಯ ಅಂಗಳದಲ್ಲಿ ಎಸೆಯಲಾಗುತ್ತಿದೆ. ಇದರಿಂದಾಗಿ ಕೆರೆಯು ಸಂಪೂರ್ಣ ಮಾಲಿನ್ಯಗೊಂಡಿದ್ದು ಜನರಿಗೆ ಶಾಪವಾಗಿದೆ. ರಾಜಕಾಲುವೆಗಳಲ್ಲಿ ಮಳೆಯ ನೀರು ಹರಿಯುವ ಬದಲಿಗೆ ಚರಂಡಿ ನೀರು ಹರಿಯುತ್ತಿದೆ. ಈ ಚರಂಡಿ ನೀರು ಕೆರೆ ಸೇರುತ್ತಿದ್ದು ಕೆರೆ ತುಂಬುತ್ತಿದೆ. ಆದರೆ ತುಂಬಿದ ಕೆರೆಯಿಂದ ಜನರಿಗಾಗಲಿ ಪರಿಸರಕ್ಕಾಗಲಿ ಯಾವುದೇ ಉಪಯೋಗವಿಲ್ಲ. ಬದಲಿಗೆ ಜನರು ಪರಿತಪಿಸುವಂತಾಗಿದೆ. ಕೆರೆಯನ್ನು ಶುದ್ಧೀಕರಿಸಿ ಹಳೆಯ ಗತ ವೈಭವವನ್ನು ಮರಳಿ ಪಡೆಯಲಾಗುವುದೇ ಎಂದು ಜನರು ಚಾತಕ ಪಕ್ಷಿಗಳಂತೆ ಕಾದಿದ್ದಾರೆ.