ಆನೇಕಲ್: ಗುಂಡಿ ರಸ್ತೆಯಲ್ಲಿ ವಾಹನಗಳ ಸರ್ಕಸ್‌

ಕೆಮ್ಮಣ್ಣುಹಳ್ಳ-ಜಿಗಣಿ ಮುಖ್ಯ ರಸ್ತೆಯಲ್ಲಿ ಮೂರು ಕಿ.ಮೀ. ಸಂಚರಿಸಬೇಕಾದರೆ 30 ಕಿ.ಮೀ. ಸಂಚರಿಸಿದ ಅನುಭವವಾಗುತ್ತದೆ. ರಸ್ತೆಯುದ್ದಕ್ಕೂ ಗುಂಡಿಗಳಿಂದ ತುಂಬಿವೆ. ದಪ್ಪ ದಪ್ಪ ಕಲ್ಲುಗಳು ರಸ್ತೆಯುದ್ದಕ್ಕೂ ಇರುವುದರಿಂದ ದ್ವಿಚಕ್ರ ವಾಹನಗಳು ಸ್ಕಿಡ್‌ ಆಗಿ ಬೀಳುವ ಪರಿಸ್ಥಿತಿಯಿದೆ. ಜಿಗಣಿ ಕೈಗಾರಿಕ ಪ್ರದೇಶ ಶಾಲಾ-ಕಾಲೇಜುಗಳಿಗೆ ಹೋಗಬೇಕಾದರೆ ಜನರು ಈ ಮಾರ್ಗದ ಪರಿಸ್ಥಿತಿಯಿಂದಾಗಿ ಆನೇಕಲ್‌ ಮೂಲಕ ಜಿಗಣಿಗೆ ಓಡಾಡುವಂತಾಗಿದೆ. ಐದಾರು ಕಿ.ಮೀ. ಸುತ್ತುಕೊಂಡು ಓಡಾಡಬೇಕಾಗಿದೆ. ಇದರಿಂದಾಗಿ ಸಮಯ ಹಣ ವ್ಯರ್ಥವಾಗುತ್ತಿದೆ. ಈ ಭಾಗದ ಜನರಿಗೆ ಸೌಲಭ್ಯ ಕಲ್ಪಿಸಿಕೊಡುವ ನಿಟ್ಟಿನಲ್ಲಿ ಸಂಬಂಧಪಟ್ಟ ಅಧಿಕಾರಿಗಳು ತ್ವರಿತವಾಗಿ ಕ್ರಮ ಕೈಗೊಂಡು ಜನರ ಪರದಾಟಕ್ಕೆ ಮುಕ್ತಿ ಕಲ್ಪಿಸಬೇಕು ಎಂಬುದು ಸ್ಥಳೀಯರ ಒತ್ತಾಸೆಯಾಗಿದೆ.