‘ಸೈಬರ್‌ ವಂಚಕರು ಫೇಸ್‌ಬುಕ್‌ನಲ್ಲಿ ಹುಡುಗಿಯರ ಹೆಸರಿನಲ್ಲಿ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸುತ್ತಾರೆ. ಅಕ್ಸೆಪ್ಟ್ ಮಾಡಿದ ಕೂಡಲೇ ‘ಮೆಸೆಂಜರ್‌ ಆ್ಯಪ್’ ಮೂಲಕ ಚಾಟ್ ಶುರು ಮಾಡುತ್ತಾರೆ. ಕೆಲ ದಿನಗಳವರೆಗೆ ಹೀಗೆ ಮಾಡಿ ವಿಶ್ವಾಸ ಗಳಿಸುತ್ತಾರೆ. ಬಳಿಕ ವಾಟ್ಸ್ಆ್ಯಪ್ ನಂಬರ್ ಕೇಳುತ್ತಾರೆ. ಅದರ ಮೂಲಕ ವಿಡಿಯೊ ಕರೆ ಮಾಡಿ, ನಗ್ನವಾಗಿ ಕಾಣಿಸಿಕೊಳ್ಳುತ್ತಾರೆ. ಎದುರಿನವರನ್ನು ನಗ್ನವಾಗುವಂತೆ ಪ್ರಚೋದಿಸುತ್ತಾರೆ. ಆ ಸಂಭಾಷಣೆ ಮತ್ತು ದೃಶ್ಯವನ್ನು ಸ್ಕ್ರೀನ್ ರೆಕಾರ್ಡಿಂಗ್ ಮಾಡಿಕೊಳ್ಳುತ್ತಾರೆ. ಬಳಿಕ ಇಂತಿಷ್ಟು ಹಣ ಕೇಳುತ್ತಾರೆ. ಕೊಡದಿದ್ದಲ್ಲಿ, ನಗ್ನವಾಗಿದ್ದ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಹರಿಬಿಡುವುದಾಗಿ ಬೆದರಿಕೆಯೊಡ್ಡಿ ಹಣ ವಸೂಲಿ ಮಾಡುವುದು ವರದಿಯಾಗಿದೆ’ ಎಂದು ಅಮಟೆ ಮಾಹಿತಿ ನೀಡಿದರು.
