ಬೆಳಗಾವಿ: ಬೆಲ್ಲಕ್ಕೆ ಉತ್ತಮ ದರ, ಕಾರ್ಮಿಕರದ್ದೇ ಬರ!

ಬೆಳಗಾವಿ : ತಾಲ್ಲೂಕಿನ ಸಾಂಬ್ರಾ, ಮೋದಗಾ ಗ್ರಾಮಗಳಲ್ಲಿ ಪ್ರಸಕ್ತ ಹಂಗಾಮಿನಲ್ಲಿ ತಡವಾಗಿಯಾದರೂ ಆಲೆಮನೆ ಆರಂಭಗೊಂಡಿವೆ. ಇಲ್ಲಿ ತಯಾರಿಸುತ್ತಿರುವ ಬೆಲ್ಲಕ್ಕೆ ಮಾರುಕಟ್ಟೆಯಲ್ಲಿ ಬೇಡಿಕೆಯೂ ಹೆಚ್ಚಿದೆ. ಉತ್ತಮ ದರವೂ ಸಿಕ್ಕಿದೆ. ಆದರೆ, ಬೆಲ್ಲ ಸಿದ್ಧಪಡಿಸಲು ಕಾರ್ಮಿಕರೇ ಸಿಗುತ್ತಿಲ್ಲ. ಹಾಗಾಗಿ ಆಲೆಮನೆಗಳ ಮಾಲೀಕರು ಪರದಾಡುವಂತಾಗಿದೆ.

. ಕಳೆದ ವರ್ಷ ಬೆಳಗಾವಿಯಲ್ಲಿ ಕ್ವಿಂಟಲ್ ಬೆಲ್ಲ ₹3,500ರಿಂದ ₹4 ಸಾವಿರದವರೆಗೆ ದರವಿತ್ತು. ಈ ಬಾರಿ ₹4,200ರಿಂದ ₹4,500ರವರೆಗೆ ದರವಿದೆ. ಗುಣಮಟ್ಟದ ಬೆಲ್ಲ ಇನ್ನೂ ಹೆಚ್ಚಿನ ದರಕ್ಕೂ ಮಾರುತ್ತಿದೆ.

. ಈ ಹಿಂದೆ ಆಲೆಮನೆಗಳಲ್ಲಿ ದಿನಕ್ಕೆ 5 ಕೊಪ್ಪರಿಗೆ ಬೆಲ್ಲ ತಯಾರಿಸಲಾಗುತ್ತಿತ್ತು. ನಸುಕಿನ ಜಾವ 5ಕ್ಕೆ ಆಲೆಮನೆಗಳಲ್ಲಿ ಒಲೆ ಹೊತ್ತಿದರೆ, ಇಳಿಹೊತ್ತಿನವರೆಗೂ ಬೆಲ್ಲದ ಘಮ ಹರಡುತ್ತಿತ್ತು. ಪ್ರತಿ ಆಲೆಮನೆಯಲ್ಲಿ ಕನಿಷ್ಠ 16 ಕಾರ್ಮಿಕರು ಹಗಲಿಡೀ ದುಡಿಯುತ್ತಿದ್ದರು. ಆದರೆ, ಕಾರ್ಮಿಕರ ಅಭಾವದಿಂದಾಗಿ ಈಗ ಪ್ರತಿ ಆಲೆಮನೆಯಲ್ಲಿ 3ರಿಂದ 4 ಕೊಪ್ಪರಿಗೆ ಬೆಲ್ಲವನ್ನಷ್ಟೇ ತಯಾರಿಸಲಾಗುತ್ತಿದೆ. ಕೆಲವೊಮ್ಮೆ ಎರಡೇ ಕೊಪ್ಪರಿಗೆ ಸಿದ್ಧವಾಗುತ್ತಿದೆ.

. ‘ಒಂದು ಕೊಪ್ಪರಿಗೆಯಲ್ಲಿ ಒಂದೂವರೆ ಕ್ವಿಂಟಲ್ ಬೆಲ್ಲ ತಯಾರಿಸುತ್ತೇವೆ. ದಿನಕ್ಕೆ 5 ಕೊಪ್ಪರಿಗೆ ಬೆಲ್ಲ ಸಿದ್ಧವಾದರೆ, ಕಾರ್ಮಿಕರಿಗೆ ವೇತನದ ರೂಪದಲ್ಲಿ 6 ಕೆ.ಜಿ ಬೆಲ್ಲ ಕೊಡಲಾಗುತ್ತದೆ. ಈಗ ಕೆ.ಜಿಗೆ ₹45 ದರವಿದ್ದು, ₹270 ಸಿಗುತ್ತದೆ. ಆದರೆ, ಗ್ರಾಮದಲ್ಲಿ ಬೇರೆ ಕೆಲಸಕ್ಕೆ ಹೋದರೆ ಅವರಿಗೆ ದಿನಕ್ಕೆ ₹300ರಿಂದ ₹400 ಕೂಲಿ ಸಿಗುತ್ತಿದೆ. ಹಾಗಾಗಿ ಆಲೆಮನೆಗೆ ಹೆಚ್ಚಿನವರು ಬರುತ್ತಿಲ್ಲ’ ಎಂದು ಸಾಂಬ್ರಾದ ಆಲೆಮನೆ ಮಾಲೀಕ ಪ್ರಭಾಕರ ಯಡ್ಡಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಕಾರ್ಮಿಕರ ಕೊರತೆ ಉಂಟಾಗಿರುವುದು ಕುಟುಂಬದವರೆಲ್ಲರೂ ಕೆಲಸ ಮಾಡಿ, ಹೇಗೋ ಆಲೆಮನೆ ನಡೆಸುತ್ತಿದ್ದೇವೆ. ಹಿಂದಿನ ವರ್ಷದ ಹಂಗಾಮುಗಳಲ್ಲಿ ಸರಾಸರಿ 3 ತಿಂಗಳವರೆಗೆ ಆಲೆಮನೆ ನಡೆಯುತ್ತಿದ್ದವು. ಈಗ ಒಂದೆರಡು ತಿಂಗಳು ನಡೆಸುವುದು ಕಷ್ಟವಾಗಿದೆ. ಈ ಹಿಂದೆ ಸಾಂಬ್ರಾದಲ್ಲಿ 18 ಆಲೆಮನೆ ಬೆಲ್ಲ ತಯಾರಿಸುತ್ತಿದ್ದವು. ಪ್ರಸ್ತುತ ನಾಲ್ಕೇ ಚಾಲ್ತಿಯಲ್ಲಿವೆ’ ಎಂದರು.

. ‘ಇಡೀ ದಿನ ದುಡಿದರೂ ₹300 ವೇತನ ಸಿಗುವುದಿಲ್ಲ. ಎರಡ್ಮೂರು ಕೊಪ್ಪರಿಗೆ ಬೆಲ್ಲವಷ್ಟೇ ತಯಾರಾದರೆ, ₹200 ಖಾತ್ರಿಯೂ ಇಲ್ಲ. ಇಂದಿನ ದುಬಾರಿ ಯುಗದಲ್ಲಿ ಅಷ್ಟೊಂದು ಹಣದಲ್ಲಿ ಬದುಕಲು ಸಾಧ್ಯವೇ. ಹಾಗಾಗಿ ಕಾರ್ಮಿಕರು ಇತ್ತ ಸುಳಿಯುತ್ತಿಲ್ಲ’ ಎಂದು ಕಾರ್ಮಿಕರು ಹೇಳುತ್ತಾರೆ.

. ಕಳೆದ ವರ್ಷ ಭೀಕರ ಬರದ ಹಿನ್ನೆಲೆಯಲ್ಲಿ ಕಬ್ಬಿನ ಇಳುವರಿ ಕುಸಿದಿತ್ತು. ಈ ವರ್ಷ ಮುಂಗಾರು ಕೈಹಿಡಿದಿದ್ದರಿಂದ ಉತ್ತಮ ಫಸಲು ಬಂದಿದೆ. ಇಲ್ಲಿ ಸಿದ್ಧಪಡಿಸಲಾಗುವ ಬೆಲ್ಲವನ್ನು ಬೆಳಗಾವಿಯಲ್ಲಿ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ. ಕೆಲವರು ಸ್ಥಳಕ್ಕೇ ಬಂದು ಖರೀದಿ ಮಾಡುತ್ತಿದ್ದಾರೆ.

. ನಮಗೆ ಬೆಲ್ಲ ತಯಾರಿಕೆಗಿಂತ ಆಲೆಮನೆಗೆ ಕಾರ್ಮಿಕರನ್ನು ಕರೆತರುವುದೇ ಈಗ ಸವಾಲಾಗಿ ಪರಿಣಮಿಸಿದೆ ಜ್ಯೋತಿಬಾ ಜೋಯಿ ಆಲೆಮನೆ ಮಾಲೀಕ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಳಗಾವಿ: ಬೆಲ್ಲಕ್ಕೆ ಉತ್ತಮ ದರ, ಕಾರ್ಮಿಕರದ್ದೇ ಬರ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ