‘ಬೀದಿಯಲ್ಲಿ ಓಡಾಡುತ್ತಿದ್ದ ನಾಯಿಗಳನ್ನು ಸಣ್ಣವಿದ್ದಾಗ ಹಿಡಿದು ತಂದು ಸಾಕುತ್ತಿದ್ದೇವೆ. ಶೆಡ್ ಜಲಾವೃತವಾದ್ದರಿಂದ ಅವುಗಳನ್ನು ಅಪಾಯದಿಂದ ರಕ್ಷಿಸಲು ಆಗುತ್ತಿಲ್ಲ. ‘ಕಾಲಿ’, ‘ಗೊಲ್ಯ’, ‘ಡಬ್ಬು’, ‘ರಿಕ್ಷಾ’... ಹೀಗೆ ಹಲವು ಹೆಸರುಗಳನ್ನು ಇಟ್ಟಿದ್ದೇವೆ. ಕೆಲವು ಪಪ್ಪಿಗಳನ್ನು (ಚಿಕ್ಕವನ್ನು) ನೆನ್ನೆ ಹಿಡಿದುಕೊಂಡು ಹೋಗಿದ್ದೆವು. ಅಲ್ಲಿದ್ದವುಗಳಿಗೆ ಆಹಾರ ಕೊಟ್ಟು ಶೆಡ್ಗೆ ಬೀಗ ಹಾಕಿ ಬಂದಿದ್ದೆವು. ಶುಕ್ರವಾರ ಬೆಳಿಗ್ಗೆ ನೀರಿನ ಹರಿವು ಜಾಸ್ತಿಯಾಗಿದ್ದು, ದೊಡ್ಡವನ್ನು ಸ್ಥಳಾಂತರಿಸಲು ಆಗುತ್ತಿಲ್ಲ’ ಎಂದು ತಿಳಿಸಿದರು.