ತಹಶೀಲ್ದಾರ್ ಮೇಲೆ ಹೊರಿಸಿದ ಭ್ರಷ್ಟಾಚಾರ ಆರೋಪ ಖಂಡಿಸಿ ಮಾದಿಗ ಸಮಾಜ ಮತ್ತು ಪ್ರಗತಿಪರ ಸಂಘಟನೆಗಳ ವತಿಯಿಂದ ಸೋಮವಾರ ತಹಶೀಲ್ದಾರ್ ವಿಶ್ವಜಿತ್ ಮೆಹತಾ ಅವರಿಗೆ ಮನವಿ ಸಲ್ಲಿಸಿ ಅವರು ಮಾತನಾಡಿದರು.

‘ದೂರುದಾರ ಚಂದ್ರಶೇಖರ ದೊಡ್ಡಮನಿ ಮರಳು ಅಕ್ರಮ ಸೇರಿದಂತೆ ಹಲವು ಕಾನೂನುಬಾಹಿರ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾರೆ. ಮರಳು ಅಕ್ರಮ ತಡೆಗಟ್ಟಲು ಪ್ರಯತ್ನಿಸಿದ ತಹಶೀಲ್ದಾರ್ ಮೇಲೆ ಇಲ್ಲಸಲ್ಲದ ಆರೋಪ ಮಾಡಿದ್ದಾರೆ. ಮಾಹಿತಿ ಹಕ್ಕು ಕಾಯ್ದೆ ದುರುಪಯೋಗಪಡಿಸಿಕೊಂಡು ಅನೇಕ ಅಧಿಕಾರಿಗಳಿಗೆ ಕಿರುಕುಳ ನೀಡಿದ್ದಾರೆ. ಜಿಲ್ಲಾಧಿಕಾರಿಗಳು ಮೊದಲು ದೂರದಾರರ ವಿರುದ್ಧ ತನಿಖೆಗೆ ಆದೇಶಿಸಬೇಕು’ ಎಂದು ಅವರು ಆಗ್ರಹಿಸಿದರು.

ಮರಳು ಸಾಗಣೆದಾರ ಉಮೇಶನಾಯ್ಕ ಮಾತನಾಡಿ, ‘ಅಧಿಕ ಭಾರ ಹೇರಿದ್ದರಿಂದ ತಹಶೀಲ್ದಾರರು ಮರಳು ಸಮೇತ ತಮ್ಮ ಲಾರಿಯನ್ನು ವಶಕ್ಕೆ ಪಡೆದಿದ್ದರು. ಲಾರಿ ಬಿಡಲು ಲಂಚದ ಬೇಡಿಕೆ ಇಟ್ಟಿರಲಿಲ್ಲ’ ಎಂದು ಹೇಳಿದರು.

ಪುರಸಭೆ ಮಾಜಿ ಸದಸ್ಯ ಪಿ.ನಿಂಗಪ್ಪ, ದುರುಗೇಶ, ರವಿ, ಬಿ. ಆನಂದ, ಸೋಗಿ ನಾಗರಾಜ, ಅಂಜಿನಪ್ಪ ಕೊಳಚಿ, ಕೆ. ಸುರೇಶ, ಆನಂದ ಪೂಜಾರ್, ಮೈಲಪ್ಪ ಸೋವೇನಹಳ್ಳಿ ಇದ್ದರು.