'ಬುಟ್ಟ ಬೊಮ್ಮ‌' ಹಾಡಿಗೆ ಸೋಂಕಿತ ವೈದ್ಯರ ಡ್ಯಾನ್ಸ್!

ಬಳ್ಳಾರಿ: ಕೊರೊನಾ ಸೋಂಕಿತರಾಗಿ ನಗರದ ಸರ್ಕಾರಿ ದಂತ ವೈದ್ಯ ಕಾಲೇಜಿನಲ್ಲಿ‌ ಚಿಕಿತ್ಸೆ ಪಡೆಯುತ್ತಿರುವ ವೈದ್ಯರ ತಂಡದ 'ಅಲಾವೈಂಕುಂಠಪುರಂಲೋ‌' ಸಿನಿಮಾದ 'ಬುಟ್ಟ ಬೊಮ್ಮ' ಹಾಡಿಗೆ ಸಮೂಹ ನೃತ್ಯ ಮಾಡಿರುವ 58 ಸೆಕೆಂಡ್ ಅವಧಿಯ ವೀಡಿಯೊ ವೈರಲ್ ಆಗಿದೆ.

ಈ ವೀಡಿಯೋಗಳನ್ನು ಮಾಧ್ಯಮಗಳಿಗೆ ಶೇರ್‌ ಮಾಡಿರುವ ಜಿಲ್ಲಾಧಿಕಾರಿ ಎಸ್.ಎಸ್.ನಕುಲ್, 'ಕೊರೊನಾ ಸೋಂಕಿತರಿಗಾಗಿ‌ ಕೆಲಸ ಮಾಡುತ್ತಾ ಸೋಂಕಿತರಾದ ಈ ಸೇನಾನಿಗಳ  ನೃತ್ಯವು ಸಕಾರಾತ್ಮಕ ಚಿಂತನೆಯ ಉತ್ತಮ ಮಾದರಿ' ಎಂದು ಶ್ಲಾಘಿಸಿದ್ದಾರೆ.

ಸೋಂಕಿತ ವೈದ್ಯರು 'ಮಸ್ತ್ ಮಸ್ತ್ ಹುಡುಗಿ ಬಂದ್ಲು' ಹಾಡಿಗೆ ಮಾಡಿರುವ 38 ಸೆಕೆಂಡ್ ಅವಧಿಯ ನೃತ್ಯವನ್ನೂ ಜಿಲ್ಲಾಧಿಕಾರಿ ಶೇರ್ ಮಾಡಿದ್ದಾರೆ. ಎರಡೂ ನೃತ್ಯದಲ್ಲೂ ವೈದ್ಯರ ಸಂತಸ, ಸಂಭ್ರಮ ಗಮನ ಸೆಳೆಯುತ್ತವೆ.