ಕಮಲಾಪುರ: ತಾಲ್ಲೂಕಿನ ನೀಲಕೂಡ ಗ್ರಾಮದ ಸರ್ಕಾರಿ ಶಾಲೆ ಶಿಕ್ಷಕರು ಮನೆ, ವಠಾರಗಳಿಗೆ ತೆರಳಿ ಪಾಠ ಮಾಡುತ್ತಿದ್ದಾರೆ.
8ನೇ ತರಗತಿ ವರೆಗೆ ಶಾಲೆ ಇದ್ದು, 5 ಜನ ಶಿಕ್ಷಕರು, 90 ವಿದ್ಯಾರ್ಥಿಗಳಿದ್ದಾರೆ. ಸದ್ಯ ಗ್ರಾಮದಲ್ಲಿ 50 ವಿದ್ಯಾರ್ಥಿಗಳು ಸಿಗುತ್ತಿದ್ದಾರೆ. ವಿವಿಧ ಬೀದಿ, ವಠಾರ ಮನೆ ಎಲ್ಲೆಂದರಲ್ಲಿ ಭೇಟಿ ಮಾಡಿ ಪಾಠ ಪುನರಾರ್ವತನೆ ಮಾಡಿಸಲಾಗುತ್ತಿದೆ.
ಕೋವಿಡ್ ಮುಂಜಾಗ್ರತೆ ವಹಿಸಲಾಗುತ್ತಿದೆ. ಮಕ್ಕಳಿಗೂ ಅರಿವು ಮೂಡಿಸಲಾಗುತ್ತಿದೆ. ಪಾಲಕರು, ಎಸ್ಡಿಎಂಸಿ ಹಾಗೂ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಸಾಗುತ್ತಿದ್ದೇವೆ ಎಂದು ಮುಖ್ಯ ಶಿಕ್ಷಕಿ ರೇಣುಕಾ ತಿಳಿಸಿದರು.