ಬೈಕ್‌ನಲ್ಲಿ ದೋಷ: ಹಣ ಮರುಪಾವತಿಗೆ ಆದೇಶ

ಬೆಂಗಳೂರು: ಖರೀದಿಸಿದ ಹೊಸ ಬೈಕ್ನಲ್ಲಿ ತಾಂತ್ರಿಕ ದೋಷವಿದ್ದ ಕಾರಣ ಗ್ರಾಹಕನಿಗೆ ಹಣವನ್ನು ಮರುಪಾವತಿ ಮಾಡುವಂತೆ ನಗರದ ಜಿಲ್ಲಾ ಗ್ರಾಹಕರ ವ್ಯಾಜ್ಯ ಪರಿಹಾರ ವೇದಿಕೆ ಅದನ್ನು ತಯಾರಿಸಿದ ಕಂಪೆನಿ ಹಾಗೂ ಮಾರಾಟ ಮಳಿಗೆಗೆ ನಿರ್ದೇಶನ ನೀಡಿದೆ.

. ಮಹದೇವಪುರ ಕ್ಷೇತ್ರದ ನಾರಾಯಣಪುರ ನಿವಾಸಿ ಭೂಪತಿ ಬಿ. ಅವರು 2015ರ ಸೆಪ್ಟೆಂಬರ್ನಲ್ಲಿ ಇಂದಿರಾ ನಗರದ ಪನಚೆ ಎಂಟರ್ಪ್ರೈಸಸ್ ಮಳಿಗೆಯಿಂದ ಯಮಹ ಎಫ್ಜೆಡ್–5 ಬೈಕ್ ಖರೀದಿಸಿದ್ದರು. ಸಾಲ ಮಾಡಿ₹ 98,416 ಪಾವತಿಸಿದ್ದರು.

. ಡಸ್ಟರ್ಸ್ ಟೋಟಲ್ ಸಲ್ಯೂಷನ್ಸ್ ಕಂಪೆನಿಯಲ್ಲಿ ಉಪ ವ್ಯವಸ್ಥಾಪಕರಾಗಿದ್ದ ಭೂಪತಿ ಅವರಿಗೆ ಹೊಸ ಬೈಕ್ ಖರೀದಿಸಿದ ಖುಷಿ ಹೆಚ್ಚಿನ ದಿನ ಉಳಿಯಲಿಲ್ಲ.

. ‘ಬೈಕ್ ಸವಾರಿ ಮಾಡುವಾಗ ಅದು ಎಡಭಾಗಕ್ಕೆ ಸೆಳೆಯುವಂತೆ ಭಾಸವಾಗುತ್ತಿತ್ತು. ಅದು ನೇರವಾಗಿ ಸಾಗುವಂತೆ ಮಾಡಲು ಹೆಚ್ಚು ಬಲಪ್ರಯೋಗ ಮಾಡಬೇಕಾಗುತ್ತಿತ್ತು. ಅದನ್ನು ಬಳಸಲು ಆರಂಭಿಸಿದ ಒಂದೇ ವಾರದಲ್ಲಿ ಬೆನ್ನುನೋವು ಹಾಗೂ ಕತ್ತು ನೋವು ಕಾಣಿಸಿಕೊಂಡಿತು’ ಎಂದು ಅವರು ತಿಳಿಸಿದರು.

. ‘ಆ ಬೈಕ್ನಿಂದ ನನಗೆ ಯಾವುದೇ ಪ್ರಯೋಜನ ಆಗಲಿಲ್ಲ. ಆಟೊ ಹಾಗೂ ಬಸ್ ಪ್ರಯಾಣಿಸಲು ಹಣ ವೆಚ್ಚ ಮಾಡಬೇಕಾಯಿತು. ಇದರ ಜೊತೆಗೆ ಬೈಕ್ ಖರೀದಿಗಾಗಿ ಮಾಡಿದ್ದ ಸಾಲವನ್ನೂ ಮರುಪಾವತಿ ಮಾಡಬೇಕಿತ್ತು. ಸರ್ವಿಸ್ ಮಾಡಿಸಿದ ಬಳಿಕವೂ ಸಮಸ್ಯೆ ಬಗೆಹರಿಯಲಿಲ್ಲ’ ಎಂದರು.

. ‘ಮೊದಲ ಸರ್ವೀಸ್ ಮಾಡಿಸಿದ ನಂತರ ಒಂದು ತಿಂಗಳು ಬಿಟ್ಟು ಬರುವಂತೆ ಅಲ್ಲಿನ ಸಿಬ್ಬಂದಿ ಸೂಚಿಸಿದರು. ಆ ಬಳಿಕವೂ ಸಮಸ್ಯೆ ಹಾಗೆಯೇ ಮುಂದುವರಿಯಿತು. ಎರಡನೇ ಸರ್ವಿಸ್ ಮಾಡಿಸುವಾಗ ದೋಷವನ್ನು ಸರಿಪಡಿಸುವುದಾಗಿ ಭರವಸೆ ನೀಡಿದರು. ಆ ಬಳಿಕವೂ ಸಮಸ್ಯೆಗೆ ಪರಿಹಾರ ಸಿಗಲಿಲ್ಲ’

. ‘ಬೆನ್ನುನೋವಿನಿಂದಾಗಿ ಕೇರಳದಲ್ಲಿ ಆಯುರ್ವೇದ ಚಿಕಿತ್ಸೆ ಪಡೆಯಲು ಸಾಕಷ್ಟು ಹಣ ವ್ಯಯಿಸಿದೆ. ಸಾಕಷ್ಟು ಅಲೆದಾಟ ನಡೆಸಿದ ಬಳಿಕ ನಾನು ಇಂಡಿಯ ಯಮಹ ಮೋಟರ್ ಪ್ರೈವೇಟ್ ಲಿಮಿಟೆಡ್ ಕಂಪೆನಿ ಹಾಗೂ ಅದನ್ನು ಮಾರಾಟ ಮಾಡಿದ ಮಳಿಗೆ ವಿರುದ್ಧ ವೇದಿಕೆಗೆ ದೂರು ನೀಡಿದೆ’ ಎಂದರು.

. ವೇದಿಕೆಯ ಅಧ್ಯಕ್ಷ ಪಿ.ವಿ.ಸಿಂಗ್ರಿ ಅವರು ಪ್ರಕರಣದ ವಿಚಾರಣೆ ನಡೆಸಿದ್ದರು. ವಾಹನ ಸಮರ್ಪಕವಾಗಿದೆ ಎಂಬುದನ್ನು ಸಾಬೀತುಪಡಿಸುವಂತಹ ಪುರಾವೆ ಒದಗಿಸಲು ಕಂಪೆನಿ ಹಾಗೂ ಮಾರಾಟ ಮಳಿಗೆಯವರು ವಿಫಲರಾದರು.

. ವಾರಂಟಿ ಅವಧಿಯಲ್ಲಿ ವಾಹನದಲ್ಲಿ ದೋಷ ಕಾಣಿಸಿಕೊಂಡರೆ ಅದನ್ನು ದುರಸ್ತಿಪಡಿಸಬೇಕು ಅಥವಾ ಅದರ ಬದಲು ಬೇರೆ ವಾಹನವನ್ನು ಒದಗಿಸಬೇಕು. ಇಲ್ಲವೇ ಪೂರ್ತಿ ಮೊತ್ತವನ್ನು ಮರುಪಾವತಿ ಮಾಡಬೇಕು.

. ಕಂಪೆನಿಯು ವಾಹನ ದುರಸ್ತಿಪಡಿಸಿರಲಿಲ್ಲ. ಅದಕ್ಕೆ ಬದಲಾಗಿ ಬೇರೆ ಬೈಕನ್ನೂ ನೀಡಿರಲಿಲ್ಲ. ಹಾಗಾಗಿ ಬೈಕ್ನ ಹಣವನ್ನು ಮರುಪಾವತಿಸುವಂತೆ ಹಾಗೂ ವ್ಯಾಜ್ಯದ ವೆಚ್ಚವಾಗಿ ₹ 4,000ವನ್ನು ದೂರುದಾರರಿಗೆ ನೀಡುವಂತೆ ವೇದಿಕೆಯು ನಿರ್ದೇಶನ ನೀಡಿತು. ಈ ಹಣಕ್ಕೆ ಶೇ 9ರಷ್ಟು ಬಡ್ಡಿಯನ್ನೂ (2016ರ ಏಪ್ರಿಲ್ನಿಂದ) ಕಂಪೆನಿ ಹಾಗೂ ಮರಾಟ ಮಳಿಗೆಯವರು ಪಾವತಿಸಬೇಕಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೈಕ್‌ನಲ್ಲಿ ದೋಷ: ಹಣ ಮರುಪಾವತಿಗೆ ಆದೇಶ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ಅಂಬಾರಗೋಡ್ಲು-ಕಳಸವಳ್ಳಿ ಸೇತುವೆ ಲೋಕಾರ್ಪಣೆ: ಸಿಗಂದೂರು ದೇವರ ದರ್ಶನ ಇನ್ನು ಸುಲಭ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ಅಂಬಾರಗೋಡ್ಲು-ಕಳಸವಳ್ಳಿ ಸೇತುವೆ ಲೋಕಾರ್ಪಣೆ: ಸಿಗಂದೂರು ದೇವರ ದರ್ಶನ ಇನ್ನು ಸುಲಭ