ಎಂಟು ನಿಮಿಷಗಳಲ್ಲೇ ರೈಲು ಸ್ವಚ್ಛ!

ಬೆಂಗಳೂರು: ಎಂಟೇ ನಿಮಿಷಕ್ಕೆ ಇಡೀ ರೈಲು ಸ್ವಚ್ಛಗೊಳಿಸಬಲ್ಲ ಸ್ವಯಂಚಾಲಿತ ಘಟಕ ನೈರುತ್ಯ ರೈಲ್ವೆ ವಲಯದಲ್ಲೇ ಮೊದಲ ಬಾರಿಗೆ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ರೈಲು ನಿಲ್ದಾಣದಲ್ಲಿ ಅಸ್ತಿತ್ವಕ್ಕೆ ಬಂದಿದೆ.

. ಕೆಎಸ್ಆರ್ ರೈಲು ನಿಲ್ದಾಣದಿಂದ ಕಂಟೋನ್ಮೆಂಟ್ ರೈಲು ನಿಲ್ದಾಣದ ಕಡೆಯ ಮಾರ್ಗದ ಬದಿಯಲ್ಲಿ ಈ ಘಟಕ ನಿರ್ಮಾಣವಾಗಿದೆ. 24 ಬೋಗಿಗಳ ಒಂದು ರೈಲು ಗಾಡಿ ತೊಳೆಯಲು ಹೆಚ್ಚೆಂದರೆ 8 ನಿಮಿಷ ಸಾಕಾಗಲಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ.

. ರೈಲು ತೊಳೆಯಲು ಹಿಂದೆ ಅನುಸರಿಸುತ್ತಿರುವ ಮಾದರಿಗೂ ಹೊಸ ತಂತ್ರಜ್ಞಾನಕ್ಕೂ ಸಾಕಷ್ಟು ವ್ಯತ್ಯಾಸವಿದೆ. ಸಿಬ್ಬಂದಿಯ ಸಹಾಯದಿಂದ ರೈಲು ತೊಳೆಯಲು ಈಗ ಬಳಸುತ್ತಿರುವ ನೀರಿನ ಪ್ರಮಾಣದಲ್ಲಿ ಶೇ 50ರಿಂದ ಶೇ 60ರಷ್ಟು ಉಳಿತಾಯವಾಗಲಿದೆ.

. ಒಂದು ಬೋಗಿ ತೊಳೆಯಲು ಈ ಹಿಂದೆ 1,500 ಲೀಟರ್ ನೀರಿನ ಅಗತ್ಯ ಇತ್ತು. ಹೊಸ ವ್ಯವಸ್ಥೆಯಲ್ಲಿ 250 ಲೀಟರ್ ನೀರು ಸಾಕಾಗಲಿದೆ. ಶೇ 85ರಷ್ಟು ನೀರನ್ನು ಮರುಬಳಕೆ ಮಾಡುವ ಸೌಲಭ್ಯ ಇದೆ.

. ಸ್ವಯಂಚಾಲಿತ ಬೋಗಿ ತೊಳೆಯುವ ಘಟಕದೊಳಗೆ ರೈಲು ಗಾಡಿ ನಿಧಾನವಾಗಿ (ಗಂಟೆಗೆ 5–6 ಕಿಲೋ ಮಿಟರ್ ಕಡಿಮೆ ವೇಗದಲ್ಲಿ) ಚಲಿಸುವಾಗಲೇ ಎರಡೂ ಬದಿಯಲ್ಲಿ ಯಂತ್ರಗಳೇ ಸ್ವಚ್ಛಗೊಳಿಸುತ್ತವೆ. ಇಡೀ ಘಟಕವನ್ನು ಒಬ್ಬ ಸಿಬ್ಬಂದಿಯೇ ನಿರ್ವಹಿಸಬಹುದು.

. ಈಸ್ಟ್ ಕೋಸ್ಟ್ ರೈಲ್ವೆ ವಿಭಾಗದ ಭುವನೇಶ್ವರದಲ್ಲಿ ಸದ್ಯ ಈ ರೀತಿಯ ವ್ಯವಸ್ಥೆ ಅಸ್ತಿತ್ವದಲ್ಲಿದೆ. ನೈರುತ್ಯ ರೈಲ್ವೆಯಲ್ಲಿ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ನಿಲ್ದಾಣದಲ್ಲಿ ನಿರ್ಮಾಣವಾಗುತ್ತಿರುವ ಘಟಕವೇ ಮೊದಲನೆಯದು ಎಂದು ರೈಲ್ವೆ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದರು.

. ₹1.78 ಕೋಟಿ ವೆಚ್ಚ:ಈ ಘಟಕ ನಿರ್ಮಾಣಕ್ಕೆ ₹1.78 ಕೋಟಿ ವೆಚ್ಚವಾಗಲಿದೆ ಎಂದು ರೈಲ್ವೆ ಇಲಾಖೆ ಹಿರಿಯ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ಮುಂದಿನ ದಿನಗಳಲ್ಲಿ ಬೈಯ್ಯಪ್ಪನಹಳ್ಳಿ ಮತ್ತು ಬಾಣಸವಾಡಿಯಲ್ಲೂ ಇದೇ ಮಾದರಿಯ ಘಟಕ ತೆರೆಯುವ ಉದ್ದೇಶ ಇದೆ ಎಂದು ಅವರು ಹೇಳಿದರು. ನೈರುತ್ಯ ರೈಲ್ವೆಯ ಪ್ರಧಾನ ವ್ಯವಸ್ಥಾಪಕ ಅಜಯಕುಮಾರ್ ಸಿಂಗ್ ಅವರು ಬುಧವಾರ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ರೈಲು ನಿಲ್ದಾಣದ ಈ ಘಟಕಕ್ಕೆ ಚಾಲನೆ ನೀಡಿದರು.

. ವಿಶೇಷಗಳೇನು?

. *ಚಲಿಸುವ ರೈಲನ್ನುತೊಳೆಯುವ ಸ್ಥಿರ ಘಟಕ

. *ತ್ಯಾಜ್ಯ ನೀರು ಮರುಬಳಕೆ

. *ಕಂಪ್ಯೂಟರೀಕೃತ ವ್ಯವಸ್ಥೆ, ಒಬ್ಬ ನಿರ್ವಾಹಕ ಸಾಕು

. *ಕಡಿಮೆ ನೀರಿನ ಬಳಕೆ

. *ಒಣಗಿಸುವ ವ್ಯವಸ್ಥೆಯೂ ಇದೆ

. *ಬಿಡಿ ಭಾಗಗಳು ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯ

. *ಗಾಳಿಯ ನಿರಂತರ ಒತ್ತಡದಿಂದ ಸ್ವಚ್ಛಗಳಿಸುವ ತಿರುಗುವ ನೈಲಾನ್ಹ, ಹತ್ತಿ ಬ್ರಷ್ಗಳು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಂಟು ನಿಮಿಷಗಳಲ್ಲೇ ರೈಲು ಸ್ವಚ್ಛ!

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ