ಬೆಂಗಳೂರು: ವಕೀಲರಿಗೆ ಸಂಘದ ನೆರವು

ಈಗಾಗಲೇ ಎರಡು ಹಂತದಲ್ಲಿ 5 ವರ್ಷದ ವೃತ್ತಿ ಅನುಭವ ಹೊಂದಿರುವ ಒಟ್ಟು 368 ವಕೀಲರಿಗೆ ತಲಾ ₹ 5 ಸಾವಿರ ನೆರವು ನೀಡಿರುವ ಸಂಘವು ಇದೀಗ 5 ರಿಂದ 8 ವರ್ಷದೊಳಗೆ ವಕೀಲಿ ವೃತ್ತಿ ಅನುಭವ ಹೊಂದಿದ ಹಾಗೂ ಆರ್ಥಿಕ ಸಂಕಷ್ಟದಲ್ಲಿರುವ ವಕೀಲರಿಗೂ ನೆರವು ನೀಡಲು ತೀರ್ಮಾನಿಸಿದೆ.

'ವಕೀಲರು ತಮ್ಮ ಹೆಸರು, ವಿಳಾಸ, ಮೊಬೈಲ್ ಸಂಖ್ಯೆ, ನೋಂದಣಿ ಸಂಖ್ಯೆ, ಸಂಘದ ಗುರುತಿನ ಚೀಟಿ, ಬ್ಯಾಂಕ್ ಖಾತೆ ವಿವರಗಳನ್ನು‌ ಸಂಘದ ಇ-ಮೇಲ್ ವಿಳಾಸಕ್ಕೆ ಕಳುಹಿಸಬಹುದು. ಇಲ್ಲವೇ, ಸಿಟಿ ಸಿವಿಲ್ ಕೋರ್ಟ್ ಆವರಣದ ವಕೀಲರ ಭವನದಲ್ಲಿನ ಸಂಘದ ಕಚೇರಿಗೆ ಖುದ್ದು ಭೇಟಿ ನೀಡಿ ಅರ್ಜಿ ಸಲ್ಲಿಸಬಹುದು‌' ಎಂದು ಸಂಘದ ಅಧ್ಯಕ್ಷ ಎ.ಪಿ.ರಂಗನಾಥ್ ತಿಳಿಸಿದ್ದಾರೆ.

'ದೇಣಿಗೆ ನೀಡ ಬಯಸುವವರು ಕರ್ನಾಟಕ ಬ್ಯಾಂಕ್ ಖಾತೆ‌ ಸಂಖ್ಯೆ-1172000100026101, ಐಎಫ್‌ಎಸ್‌ಸಿ ಕೋಡ್ ಕೆಎಆರ್‌ಬಿ-0000117, ಸಿಟಿ ಸಿವಿಲ್ ಕೋರ್ಟ್ ಶಾಖೆಗೆ ಹಣ ಪಾವತಿಸಬಹುದು' ಎಂದು ಅವರು ಕೋರಿದ್ದಾರೆ.