ರಸ್ತೆಯಲ್ಲಿ ಮೆಲ್ಸೇತುವೆ ಇರುವುದರಿಂದ ವಿದ್ಯುತ್, ಕೇಬಲ್ ಸಹಿತ ಅತಿ ಹೆಚ್ಚು ಯುಟಿಲಿಟಿಗಳು ಇಲ್ಲಿರುವುದರಿಂದ ವೃತ್ತಾಕಾರದ ಸುರಂಗ ನಿರ್ಮಾಣ ಮಾಡುತ್ತಿಲ್ಲ. ಕಾಳೇನ ಅಗ್ರಹಾರದಿಂದ ನಾಗವಾರವರೆಗೆ ಈ ಮಾರ್ಗದಲ್ಲಿ ಒಟ್ಟು 13.76 ಕಿ.ಮೀ. ಉದ್ದದ ಸುರಂಗ ಮಾರ್ಗ ನಿರ್ಮಾಣವಾಗುತ್ತಿದ್ದು, ಇಲ್ಲಿ 77 ಮೀಟರ್ ಮಾತ್ರ ಆಯತಾಕಾರದಲ್ಲಿ ಸುರಂಗ ಮಾಡಲಾಗುತ್ತಿದೆ. ಬೇರೆಲ್ಲ ಕಡೆಗಳಲ್ಲಿ ವೃತ್ತಾಕಾರದ ಸುರಂಗಗಳು ಇದ್ದು, ಒಂದು ಸುರಂಗದಲ್ಲಿ ಒಂದು ಪಥ ಹಳಿ ಇರುವುದರಿಂದ ಪ್ರತಿ ಮಾರ್ಗದಲ್ಲಿ ಎರಡು ಸುರಂಗಗಳಿರುತ್ತವೆ. ಆಯತಾಕಾರದಲ್ಲಿ ನಿರ್ಮಾಣಗೊಳ್ಳುತ್ತಿರುವ ಈ ಸುರಂಗದಲ್ಲಿ ಮಾತ್ರ ಎರಡೂ ಪಥಗಳು ಇರುತ್ತವೆ ಎಂದು ವಿವರಿಸಿದರು.