‘ಬಡಾವಣೆಯ 2ನೇ ಹಂತದ 18ನೇ ಮುಖ್ಯರಸ್ತೆಗೆ ಹೊಂದಿಕೊಂಡಂತಿರುವ 58, 67 ಮತ್ತು 68ನೇ ಅಡ್ಡರಸ್ತೆಗಳ ನಡುವೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ (ಬಿಡಿಎ) ಒಡೆತನದ ನಾಲ್ಕು ಸಿ.ಎ ನಿವೇಶನಗಳಿವೆ. ಈ ಪೈಕಿ ಒಂದರಲ್ಲಿ ದೇವಾಲಯ, ಮತ್ತೊಂದರಲ್ಲಿ ಪೆಟ್ರೋಲ್‌ ಬಂಕ್‌ ಇದೆ. ಆದರೆ, 1,200 ಚದರ ಅಡಿ ವಿಸ್ತೀರ್ಣದ ಸಿಎ–06 ನಿವೇಶನಕ್ಕೆ ಸಂಬಂಧಿಸಿದಂತೆ ನಕಲಿ ದಾಖಲೆಗಳನ್ನು ಸೃಷ್ಟಿಸಿರುವ ವೆಂಕಟೇಶಮೂರ್ತಿ ಇದರಲ್ಲಿ ಬ್ಲಾಸಮ್‌ ಶಾಲೆ ನಿರ್ಮಿಸಿ, ಖಾಸಗಿಯವರಿಗೆ ಲಕ್ಷಾಂತರ ರೂಪಾಯಿ ಬಾಡಿಗೆಗೆ ನೀಡಿದ್ದಾರೆ’ ಎಂದು ಅವರು ಶುಕ್ರವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ದೂರಿದರು.
