ಮಂಗಳವಾರ ರಾತ್ರಿ ಆರೋಪಿಗಳ ಚಲನವಲನಗಳನ್ನು ಆಧರಿಸಿ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದರು. ಈ ವೇಳೆ, ಅವರ ಬಳಿ ಮಹಿಳೆಯರು ಬಳಸುವ ಪರ್ಸ್ ಪತ್ತೆಯಾಗಿದೆ. ಅದರೊಳಗಿದ್ದ ನೀಲಿ ಬಣ್ಣದ ಪೇಪರ್‌ನಲ್ಲಿ 80 ಹರಳುಗಳು ಇದ್ದವು. ಸ್ಥಳಕ್ಕೆ ಆಭರಣ ತಯಾರಕರನ್ನು ಕರೆಸಿ, ಪರಿಶೀಲಿಸಿದಾಗ ಅವು ನಿಜವಾದ ವಜ್ರದ ಹರಳುಗಳು ಎಂಬುದು ಖಚಿತಗೊಂಡಿತು. ಆರೋಪಿಗಳ ಬಳಿ ಹರಳುಗಳಿಗೆ ಸಂಬಂಧಿಸಿದ ಯಾವುದೇ ದಾಖಲೆಗಳು ಇರಲಿಲ್ಲ. ಹರಳುಗಳನ್ನು ಎಲ್ಲಿಂದಲೋ ಕದ್ದು, ಅಂಚೆಪೇಟೆಯ ಆಭರಣ ತಯಾರಿ ಅಂಗಡಿಗಳಿಗೆ ಮಾರಲು ಬಂದಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
