ಸೈಬರ್ ಕ್ರೈಂ ಠಾಣೆ ಸಮಸ್ಯೆ ಪರಿಹಾರ

9,999ಕ್ಕೆ ಸೀಮಿತವಾಗಿದ್ದ ದೂರುಗಳ ಸಂಖ್ಯೆಯನ್ನು ಇದೀಗ 10 ಸಾವಿರಕ್ಕೆ ಹೆಚ್ಚಿಸುವ ಮೂಲಕ ಸಮಸ್ಯೆ ಪರಿಹರಿಸಲಾಗಿದೆ. 2019ರ ಜನವರಿಯಿಂದ ನ. 25ರವರೆಗೆ 9999 ದೂರು ದಾಖಲಾಗಿದ್ದವು. 10 ಸಾವಿರ ದೂರು ದಾಖಲಿಸಿಕೊಳ್ಳಲು ತಾಂತ್ರಿಕ ಸಮಸ್ಯೆ ಎದುರಾಗಿತ್ತು.

ಈ ಹಿಂದೆ ಕಮಿಷನರೇಟ್ ವ್ಯಾಪ್ತಿಯಲ್ಲಿನ ಸೈಬರ್ ವಂಚನೆ ಪ್ರಕರಣಗಳನ್ನು ಪೊಲೀಸ್ ಕಮಿಷನರ್‌ ಕಚೇರಿಯಲ್ಲಿಯೇ ದಾಖಲಿಸಬೇಕಿತ್ತು. ಇದರಿಂದಾಗಿ ನಗರದ ಏಕೈಕ ಸೈಬರ್ ಪೊಲೀಸ್ ಠಾಣೆಯಲ್ಲಿ ಕೇವಲ 11 ತಿಂಗಳಲ್ಲಿ 9,999 ಪ್ರಕರಣಗಳು ದಾಖಲಾಗಿದ್ದವು.

ಈ ಹಿನ್ನೆಲೆಯಲ್ಲಿ ಡಿಜಿಪಿ ನೀಲಮಣಿ ಎನ್. ರಾಜು ಅವರು ಸೈಬರ್ ವಂಚನೆ ಪ್ರಕರಣಗಳನ್ನು ಸ್ಥಳೀಯ ಠಾಣೆಗಳಲ್ಲಿ ದಾಖಲಿಸಿಕೊಂಡು ತನಿಖೆ ನಡೆಸುವಂತೆ ಆದೇಶಿಸಿದ್ದಾರೆ.