ಬೆಂಗಳೂರಿನಲ್ಲಿ ಮತ್ತೆ ನಾಯಿಗಳ ಹಾವಳಿ: ಬಾಲಕ ಸಾವು

ಬೆಂಗಳೂರು: ಸೋಲದೇವನಹಳ್ಳಿ ಬಳಿಯ ಅಜ್ಜೆಗೌಡಪಾಳ್ಯದಲ್ಲಿ ನಾಯಿಗಳ ಹಾವಳಿಗೆ ಐದು ವರ್ಷದ ಬಾಲಕ ದುರ್ಗೇಶ್ ಬಲಿಯಾಗಿದ್ದಾನೆ. ಈತ ಸೇಡಂ ತಾಲ್ಲೂಕಿನ ಮಲ್ಲಪ್ಪ-ಮಲ್ಲಮ್ಮ ದಂಪತಿಯ ಪುತ್ರ.

ಕಟ್ಟಡ ನಿರ್ಮಾಣದಲ್ಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದ ತಂದೆಯನ್ನು ನೋಡಲು ಮನೆಯಿಂದ ಕಟ್ಟಡದ ಸ್ಥಳಕ್ಕೆ ಹೊರಟಿದ್ದಾಗಲೇ ನಾಯಿಗಳು ದುರ್ಗೇಶ ಮೇಲೆ ದಾಳಿಮಾಡಿವೆ. ತೀವ್ರ ಗಾಯಗೊಂಡ ದುರ್ಗೇಶ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.