ದ್ವಿತೀಯ ಪಿಯು ವಿದ್ಯಾರ್ಥಿಗಳಿಗೆ ಉಚಿತ ಆನ್‌ಲೈನ್ ತರಗತಿ

ಬೆಂಗಳೂರು: ಕುಮಾರಸ್ವಾಮಿ ಬಡಾವಣೆಯಲ್ಲಿರುವ ದಯಾನಂದ ಸಾಗರ ಸಂಸ್ಥೆಯು (ಡಿಎಸ್‌ಐ) ದ್ವಿತೀಯ ಪಿ.ಯು ವಿದ್ಯಾರ್ಥಿಗಳಿಗೆ ಉಚಿತ ಆನ್‌ಲೈನ್‌ ತರಗತಿ ನಡೆಸಲಿದೆ.

ಕಾಲೇಜುಗಳಲ್ಲಿ ತರಗತಿ ನಡೆಯದ ಕಾರಣ ಅನೇಕ ವಿದ್ಯಾರ್ಥಿಗಳಿಗೆ ಪರೀಕ್ಷೆಗೆ ಸಿದ್ಧತೆ ನಡೆಸಲು ಸಾಧ್ಯವಾಗುತ್ತಿಲ್ಲ. ಈ ನಿಟ್ಟಿನಲ್ಲಿ ಸಂಸ್ಥೆಯು ಉಚಿತ ಆನ್‌ಲೈನ್‌ ತರಗತಿ ಹಮ್ಮಿಕೊಂಡಿದೆ ಎಂದು ಡಿಎಸ್‌ಐ ಹೇಳಿದೆ.

ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳಿಗೆ ಭೌತವಿಜ್ಞಾನ, ರಸಾಯನ ವಿಜ್ಞಾನ, ಗಣಿತ ಹಾಗೂ ಜೀವವಿಜ್ಞಾನ ಮತ್ತು ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳಿಗೆ ಕಂಪ್ಯೂಟರ್ ಸೈನ್ಸ್, ಲೆಕ್ಕಶಾಸ್ತ್ರ, ಮೂಲಗಣಿತ, ವ್ಯವಹಾರ ಅಧ್ಯಯನ, ಅರ್ಥಶಾಸ್ತ್ರ ಮತ್ತು ಸಂಖ್ಯಾಶಾಸ್ತ್ರದ ವಿಷಯಗಳ ತರಗತಿ ನಡೆಸಲಾಗುತ್ತದೆ.

ಮೇ 10ರಿಂದ 31ರವರೆಗೆ ತರಗತಿ ನಡೆಯಲಿದೆ. 

ಆಸಕ್ತ ವಿದ್ಯಾರ್ಥಿಗಳು www.dayanandasagar.edu ವೆಬ್‌ಸೈಟ್‌ ಬಳಸಿ ನೋಂದಣಿ ಮಾಡಿಕೊಳ್ಳಬಹುದು.

ಮಾಹಿತಿಗೆ, ವಿಜ್ಞಾನ ವಿದ್ಯಾರ್ಥಿಗಳು 98800 59065/98440 78858, ವಾಣಿಜ್ಯ ವಿದ್ಯಾರ್ಥಿಗಳು 99010 83132/90351 47227 ದೂರವಾಣಿ ಸಂಖ್ಯೆ ಸಂಪರ್ಕಿಸಬಹುದು.