ರಾಜಧಾನಿಯಲ್ಲಿ ಫಾಸ್ಟ್ಯಾಗ್ ಸ್ಟಿಕರ್ ಕೊರತೆ ?

ಬೆಂಗಳೂರು: ಫಾಸ್ಟ್ಯಾಗ್ ಸ್ಟಿಕರ್ಗಳಿಗೆ ಬೇಡಿಕೆ ಹೆಚ್ಚುತ್ತಿರುವ ಬೆನ್ನಲ್ಲೇ ಕೊರತೆಯೂ ಎದುರಾಗಿದ್ದು, ಕೌಂಟರ್ಗಳನ್ನು ಹೊರತುಪಡಿಸಿ ಅಂಚೆ ಮೂಲಕ ಸ್ಟಿಕರ್ಗಳು ವಾಹನಗಳ ಮಾಲೀಕರನ್ನು ತಲುಪುವುದು ತಡವಾಗುತ್ತಿದೆ.

. ದೇಶದ ಬಹುತೇಕ ಟೋಲ್ಗೇಟ್ಗಳಲ್ಲಿ ಎರಡು ವರ್ಷದಿಂದಲೇ ಜಾರಿಗೆ ತಂದಿರುವ ಫಾಸ್ಟ್ಯಾಗ್ ವ್ಯವಸ್ಥೆಯನ್ನು ಜ. 15ರಿಂದ ಕಡ್ಡಾಯಗೊಳಿಸಲು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಮುಂದಾಗಿದೆ. ರಾಷ್ಟ್ರೀಯ ಹೆದ್ದಾರಿಗಳನ್ನು ಬಳಸುವ ವಾಹನಗಳ ಮಾಲೀಕರು ಸ್ಟಿಕರ್ ಪಡೆಯಲು ಆಸಕ್ತಿ ತೋರುತ್ತಿದ್ದು, ಅವರಿಗೆ ಅಗತ್ಯವಿರುವಷ್ಟು ಸ್ಟಿಕರ್ಗಳು ಪೂರೈಕೆ ಆಗುತ್ತಿಲ್ಲ.

. ತುಮಕೂರು ರಸ್ತೆ, ಹೊಸೂರು ರಸ್ತೆ, ದೇವನಹಳ್ಳಿ ರಸ್ತೆ, ಹೊಸಕೋಟೆ ರಸ್ತೆ ಹಾಗೂ ನೈಸ್ ರಸ್ತೆಗಳಲ್ಲಿರುವ ಟೋಲ್ಗೇಟ್ ಪಕ್ಕವೇ ಕೌಂಟರ್ಗಳನ್ನು ತೆರೆಯಲಾಗಿದೆ. ದಿನದ ಲೆಕ್ಕದಲ್ಲಿ ಸ್ಟಿಕರ್ಗಳನ್ನು ವಿತರಿಸಲಾಗುತ್ತಿದ್ದು, ಸರದಿಯಲ್ಲಿ ನಿಂತವರಿಗೆ ಮಾತ್ರ ಸ್ಟಿಕರ್ ಲಭ್ಯವಾಗುತ್ತಿದೆ.

. ಕೌಂಟರ್ಗಳಲ್ಲಿ ಕಾಯುವ ಸಹವಾಸವೇ ಬೇಡವೆಂದು ಬ್ಯಾಂಕ್ಗಳು ಹಾಗೂ ಆನ್ಲೈನ್ ಮೂಲಕ ಬುಕ್ಕಿಂಗ್ ಮಾಡಿದವರಿಗೆ ನಿಗದಿತ ಸಮಯಕ್ಕೆ ಸ್ಟಿಕರ್ಗಳು ಸಿಗುತ್ತಿಲ್ಲ. ಈ ಸಂಬಂಧ ಹಲವರು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರಕ್ಕೆ ದೂರು ನೀಡಿದ್ದು, ತ್ವರಿತವಾಗಿ ಸಮಸ್ಯೆ ಬಗೆಹರಿಸುವುದಾಗಿ ಅಧಿಕಾರಿಗಳು ಹೇಳುತ್ತಿದ್ದಾರೆ.

. ‘ದೇಶದ 10 ರಾಷ್ಟ್ರೀಯ ಬ್ಯಾಂಕ್ಗಳಲ್ಲಿ ಫಾಸ್ಟ್ಯಾಗ್ ಸ್ಟಿಕರ್ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಬಹುತೇಕ ಬ್ಯಾಂಕ್ಗಳಲ್ಲಿ ನೋಂದಣಿ ಮಾಡಿಕೊಳ್ಳುವವರ ಪೈಕಿ ಕೆಲವರಿಗೆ ಮಾತ್ರ ಸ್ಟಿಕರ್ ಸಿಗುತ್ತಿದೆ. ಉಳಿದವರಿಗೆ ಸ್ಟಿಕರ್ ಇಲ್ಲವೆಂದು ಹೇಳಿ ವಾಪಸು ಕಳುಹಿಸುತ್ತಿದ್ದಾರೆ’ ಎಂದು ಕಾರಿನ ಮಾಲೀಕ ಸೋಮಶೇಖರ್ ದೂರಿದರು.

. ‘ಬ್ಯಾಂಕ್ಗಳ ಜಾಲತಾಣಗಳಲ್ಲಿ ಆನ್ಲೈನ್ ಮೂಲಕ ಸ್ಟಿಕರ್ ಪಡೆಯಲು ಅವಕಾಶವಿದೆ. ಈ ಬಗ್ಗೆ ಜಾಲತಾಣದಲ್ಲೂ ಜಾಹೀರಾತು ನೀಡಲಾಗಿದೆ. ಅಲ್ಲಿ ನೋಂದಣಿ ಮಾಡಿಕೊಂಡು ಹಲವು ದಿನವಾದರೂ ಸ್ಟಿಕರ್ಗಳು ಬಂದಿಲ್ಲ’ ಎಂದು ಹೇಳಿದರು.

. ಅಮೆಜಾನ್ನಲ್ಲಿ ಬುಕ್ಕಿಂಗ್ ಸ್ಥಗಿತ; ಇ– ಕಾಮರ್ಸ್ ಸಂಸ್ಥೆಯಾದ ‘ಅಮೆಜಾನ್’ ಜಾಲತಾಣದಲ್ಲೂ ಫಾಸ್ಟ್ಯಾಗ್ ಸ್ಟಿಕರ್ಗಳ ಬುಕ್ಕಿಂಗ್ ಸ್ಥಗಿತವಾಗಿದೆ.

. ಬಹುತೇಕ ವಾಹನಗಳ ಮಾಲೀಕರು ಅಮೆಜಾನ್ನಲ್ಲಿ ಸ್ಟಿಕರ್ ಖರೀದಿಸಿದ್ದಾರೆ. ಆ ಪೈಕಿ ಹಲವರಿಗೆ ಅಂಚೆ ಮೂಲಕ ಸ್ಟಿಕರ್ಗಳು ಬಂದು ತಲುಪಿವೆ. ಹೊಸದಾಗಿ ಸ್ಟಿಕರ್ಗಳ ನೋಂದಣಿ ಹಾಗೂ ವಿತರಣೆ ಸಂಪೂರ್ಣವಾಗಿ ಬಂದ್ ಆಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ಪಡೆಯಲು ಪ್ರಾಧಿಕಾರದ ಅಧಿಕಾರಿಗಳು ಲಭ್ಯರಾಗಲಿಲ್ಲ.

. ಸ್ಟಿಕರ್ ವಿತರಿಸುವ ಬ್ಯಾಂಕ್ಗಳು

. ಐಸಿಐಸಿಐ ಬ್ಯಾಂಕ್, ಆ್ಯಕ್ಸಿಸ್ ಬ್ಯಾಂಕ್, ಐಡಿಎಫ್ಸಿ ಬ್ಯಾಂಕ್, ಎಸ್ಬಿಐ ಬ್ಯಾಂಕ್, ಇಕ್ಯೂಟಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್, ಎಚ್ಡಿಎಫ್ಸಿ ಬ್ಯಾಂಕ್, ಸಿಂಡಿಕೇಟ್ ಬ್ಯಾಂಕ್, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್, ಕರೂರ್ ವೈಶ್ಯ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್

. ಎಲ್ಲೆಡೆ ಫಾಸ್ಟ್ಯಾಗ್ಗೆ ಪ್ರತ್ಯೇಕ ಸಾಲು

. ನಗರದ ಎಲೆಕ್ಟ್ರಾನಿಕ್ ಸಿಟಿ, ಅತ್ತಿಬೆಲೆ, ಹೊಸಕೋಟೆ, ದೇವನಹಳ್ಳಿ, ತುಮಕೂರು ರಸ್ತೆ ಹಾಗೂ ನೈಸ್ ರಸ್ತೆಯ ಟೋಲ್ಗೇಟ್ಗಳಲ್ಲಿ ಫಾಸ್ಟ್ಯಾಗ್ ವಾಹನಗಳ ಪ್ರವೇಶಕ್ಕೆ ಪ್ರತ್ಯೇಕ ಸಾಲುಗಳನ್ನು ಮೀಸಲಿಡಲಾಗಿದೆ. ಅದರ ಜೊತೆಗೆ ನಗದು ಸ್ವೀಕಾರ ಸಾಲುಗಳು ಇವೆ.

. ‘ಶೇ 25ರಷ್ಟು ನಗದು ಸ್ವೀಕಾರ ಹಾಗೂ ಶೇ 75ರಷ್ಟು ಫಾಸ್ಟ್ಯಾಗ್ ವ್ಯವಸ್ಥೆ ಮಾಡುವಂತೆ ಪ್ರಾಧಿಕಾರ ಹೇಳಿದೆ. ವಾಹನ ದಟ್ಟಣೆ ನೋಡಿಕೊಂಡು ಹಾಗೂ ಜನರಿಗೆ ತೊಂದರೆಯಾಗದಂತೆ ಎರಡೂ ವ್ಯವಸ್ಥೆಗೂ ಸಮಾನವಾಗಿ ಸಾಲುಗಳನ್ನು ಬಳಸಲಾಗುತ್ತಿದೆ’ ಎಂದು ಎಲೆಕ್ಟ್ರಾನಿಕ್ ಸಿಟಿ ಟೋಲ್ಗೇಟ್ ಸಿಬ್ಬಂದಿ ಹೇಳಿದರು.

. ‘ಎಲ್ಲ ಸಾಲುಗಳಲ್ಲಿ ಫಾಸ್ಟ್ಯಾಗ್ ಇದ್ದು, ಸ್ಟಿಕರ್ ಇರುವ ವಾಹನ ಯಾವುದಾದರೂ ಸಾಲಿನಲ್ಲಿ ಹೋಗಬಹುದು. ನಗದು ಸ್ವೀಕಾರವಿದ್ದರೆ ಮಾತ್ರ ಅದಕ್ಕಾಗಿ ಮೀಸಲಿಟ್ಟ ಸಾಲಿನಲ್ಲೇ ಹೋಗಬೇಕು’ ಎಂದು ಹೊಸಕೋಟೆ ಟೋಲ್ಗೇಟ್ ಸಿಬ್ಬಂದಿ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಜಧಾನಿಯಲ್ಲಿ ಫಾಸ್ಟ್ಯಾಗ್ ಸ್ಟಿಕರ್ ಕೊರತೆ ?

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು